منتديات شباب الجزائر

العودة   منتدى شباب الجزائر لكل العرب > الأقسام العامــة > منتدى يوميات شباب المنتدى

منتدى يوميات شباب المنتدى [خاص] بوميات شباب المنتدي متنفس للجميع يحكي كل مايتعلق بحياه الأعضاء اليوميه وتدوين كل مايشغل بالهم

يوميــــات عـــاطل ... الحلقه الاولــى

الكلمات الدلالية (Tags)
الاولــى, الحلقه, يوميــــات, عـــاطل
 
 
LinkBack أدوات الموضوع انواع عرض الموضوع
  رقم المشاركة : ( 1 )  
قديم 2010-07-19
 

 الأوسمة و جوائز
 بينات الاتصال بالعضو
 اخر مواضيع العضو

  أميره مصر غير متواجد حالياً  
رقم العضوية : 2692
تاريخ التسجيل : Nov 2009
الدولة :
العمر :
الجنس :  female
مكان الإقامة : في أم الدنيا يبقي فيييييييييين؟
عدد المشاركات : 1,230 [+]
عدد النقاط : 230
قوة الترشيح : أميره مصر مبدعأميره مصر مبدعأميره مصر مبدع
افتراضي يوميــــات عـــاطل ... الحلقه الاولــى

اليوم سأقدم لكم يوميات عــاطل ..

وللعلم ان تلك اليوميات لا تمت لى بأى صله ولكنها من أحدى بيوت الاصدقاء ..

وسأقدم لاول مرة هذه اليوميات التى اتمنى ان تنال اعجابكم وايضا رضاكم ..

بسم الله الرحمن الرحيم ...




الحلقه الاولى



نايم فى بيتنا من كام يوم .. متلفح بما لايقل عن 5 بطاطين .. تقريبا كنت مجمع بطاطين البيت كله .. واذا بى استيقظ من احلاها نومه على صوت صياح ونواح فى الشارع ..انا بفزع : ايه .. مين ..


ليه .. هو فى ايه بقى ؟!!!


ابويا صائحا من آخر الشقة : ايه الدوشة اللى عندك دى ... خربت ايه تانى يا جلاب المصايب ؟!!

انا بغضب : ياعم مش انا .. مش انا ... الصوت جاى من الشارع !!

ابويا : طب ماتقوم تشوف فى ايه يا أنثى السلحفاة انت !!

انا : وبعدين بقىىىىى .. خلاص .. قايم .. قايم .. عيلة تجيب المرض !!

قومت من على السرير وفتحت الباب ونزلت وكالعادة نسيت أغير هدومى .. نزلت بالبيجامة وفى رجلى الشبشب المصرى الشهير .. "ابو صابع" !!

اول مانزلت الشارع لقيت ناس بتجرى يمين وشمال وعربيات الامن المركزى بقت اكتر من الحناطير اللى تعتبر من علامات شارعنا العظيم !!

انا لأحدهم : هو فى ايه يا محترم ؟!!

الرجل وهو يجرى بعيدا : مظاهرة يا استاذ ... مظاهرة !!

انا : مظاهرة ؟؟!!!

ابويا مناديا من البلكونة : ايه ياض الخلق دى كلها .. هو فى محل كشرى فتح جديد فى الشارع ولا ايه ؟!!

انا : كشرى ؟؟!!!! اه انزل الحقلك طبق ... دى مظاهرة يا عم الحاج ... مظاهرة !!

ابويا هاتفا من البلكونة : عملوها الوحوش !!

انا : وحوش ليه حجزولك طبق

انا لاحدهم : هى المظاهرة دى بخصوص ايه يا محترم ؟!!

الرجل وهو يجرى بعيدا ايضا : بوش انضرب بالجزمة !!

انا : وانتوا بتجروا ليه هيا امريكا بتدور على الجزمه ؟

ابويا مناديا من البلكونة : ماترد عليا ياض انت .. المظاهرة دى عشان ايه ؟!!!

انا صائحا من الشارع : بيقولك بوش انضرب بالجزمة !!

ابويا : طب وجابوا الجزمة ولا لأ !!

وبعد قليل بدأ المتظاهرون فى التجمع ممسكين بأيدى بعضهم البعض .. الرجال فى الامام .. والنساء فى الخلف .. وبدأت لافتات تعلوا فى الافق .. امثال ...

الصحفى العراقى قال كلمته ... بوش مايسواش غير جزمته !!

يا امة المليار .. انتفضوا لفك الحصار !!

يا أوباما يا أوباما .. مستنيينك تيجى بالسلامة !!

وسالمه يا سلامه

وفجأة عربيات الامن المركزى نزل منها العساكر والظباط ... واصطفوا كمجاميع وبدأوا فى ترديد شعار الامن المركزى !!

عساكر الامن وهم يقفزون فى المكان : مصر .. مصر ..

امى منادية من البلكونة : اطلع يا منيل بدل ماتاخدلك شومة ولا طوبة فى دماغك !!

ابويا لأمى : سيبيه يمكن ياخدوه بالغلط ولا حاجة .. يتعلم الادب كام يوم فى القسم واهو نخلص منه وافضالك يا جميل !!

امى : قسم ايه بس .. دى مظاهرة يعنى هايبقى فيها اعتقال يا راجل !!

ابويا : اطلع ياض بدل ما ياخدوك على "جوانتانامو" !!

وطلعت ووقفت مع ابويا وامى نتابع الموقف من البلكونة ...

وبدأ المتظاهرون فى التهليل ..

الرجال : لا للقمع .. لا للقمع !!

النساء مرددين خلف الرجال : لا للقمع .. لا للقمع !!

بصت لابويا قولتله خبى القمع الى فى اوضتك

ابويا هاتفا من البلكونة وهو يسقف بكلتا يديه : وادحرج واجرى ..

انا وامى : يا رمان !!

ابويا : وتعالى على حجرى !!

انا وامى : يا رمان !!

وفجأة بدأت الاشتباكات بين المتظاهرين والامن وساد الهرج والمرج ارجاء الشارع وعلت أصوت الصياح والنواح ... وتقريبا كانت معركة من جانب واحد .. رجال الامن المركزى ... وكأنهم واخدين اوامر بأن الضرب يكون على الكيف !!

ووسط كل هذا الهرج والمرج اطاح احدهم بقصرية الزرع التى وضعها السيد الوالد اسفل المنزل بحجة تزيين البيت ( وكأن البيت فرغ جماله من كل شىء الا هذه القصرية.. والبيت اصلا قايل للسقوط !! )

ابويا مناديا من البلكونة : حاسب يا أطبش انت وهو القصرية هاتقع !!

وطراااااااااخ ( وقعت القصرية وتفتت الى 7 آلاف جزء !! )

ابويا هاتفا بفزع ممزوج بالحسرة : يخربيت اللى جاب ابوكم !! .. راحت القصرية يا حكومة مهلبية !! ..

آآآآآآآآآآآآآآآآآآآآآآآآآآآه

ومن حظ ابويا العالى .. العالى اوى ... الشتيمة سابت الشارع كله برجاله ونساءه وعياله وعساكره ومتظاهرينه ولزقت فى ودان أحد اللواءات والذى كان يأمر وينهى فى عساكره من موقعه .. حيث كان يقف تحت عمارتنا المصونة عدل !!

اللواء مشاورا علينا : هاتولى العالم اللى فوق دول .. هما دول اللى بيقودوا المظاهرة من فوق ومهيجين الناس .. هــاتــوهـــملى هنا حالا !!

نظرنا انا وابويا وامى لبعضنا البعض بصدمة من هول ما سمعنا !!

وبصت لامى قولتلها نرميه من البلكونه

ابويا : ايه العمل دلوقتى ؟!!

انا بخوف : الظابط اللى تحت افتكرنا تبع المظاهرة !!

ابويا : آه فاكرنى دلوقتى احمد عرابى .. وانت الحصان بتاعى !!

امى بفزع : انا مش معاكوا .. انا مش معاكوا !!

ابويا : اصيلة يا أم سيد !!



ونشوف حصل ايه فى الحلقة الجاية ...
(منقوووووول)

التعديل الأخير تم بواسطة أميره مصر ; 2010-07-19 الساعة 10:21 AM
رد مع اقتباس
اعلانات
 
  رقم المشاركة : ( 2 )  
قديم 2010-07-19
 

 الأوسمة و جوائز
 بينات الاتصال بالعضو
 اخر مواضيع العضو

  belli غير متواجد حالياً  
رقم العضوية : 3093
تاريخ التسجيل : Dec 2009
الدولة :
العمر :
الجنس :  male
مكان الإقامة : blad miki...
عدد المشاركات : 2,929 [+]
عدد النقاط : 342
قوة الترشيح : belli محترفbelli محترفbelli محترفbelli محترف
افتراضي رد: يوميــــات عـــاطل ... الحلقه الاولــى

ابويا : طب ماتقوم تشوف فى ايه يا أنثى السلحفاة انت !!

هههههههههههه.............موضوع رائع
مشكورة أميرة على الطرح الجميل
رد مع اقتباس
  رقم المشاركة : ( 3 )  
قديم 2010-07-24
 

 الأوسمة و جوائز
 بينات الاتصال بالعضو
 اخر مواضيع العضو

  رهف97 غير متواجد حالياً  
رقم العضوية : 6358
تاريخ التسجيل : Feb 2010
الدولة :
العمر :
الجنس :  female
مكان الإقامة : الجزائر الحبيبة أرض السلام
عدد المشاركات : 494 [+]
عدد النقاط : 27
قوة الترشيح : رهف97 يستحق التمييز
افتراضي رد: يوميــــات عـــاطل ... الحلقه الاولــى

أختي لم افهم شيئا ههههههههههه افصحي لنا
رد مع اقتباس
  رقم المشاركة : ( 4 )  
قديم 2010-07-25
 

 الأوسمة و جوائز
 بينات الاتصال بالعضو
 اخر مواضيع العضو

  أميره مصر غير متواجد حالياً  
رقم العضوية : 2692
تاريخ التسجيل : Nov 2009
الدولة :
العمر :
الجنس :  female
مكان الإقامة : في أم الدنيا يبقي فيييييييييين؟
عدد المشاركات : 1,230 [+]
عدد النقاط : 230
قوة الترشيح : أميره مصر مبدعأميره مصر مبدعأميره مصر مبدع
افتراضي رد: يوميــــات عـــاطل ... الحلقه الاولــى

هههههههههههههههههههههههههه
طيب أفسر ايه اكتر من كده
طيب انا ليا حق ماافهمش اللهجه الجزائريه
انما انا من وجودي معاكوا الفتره الي فاتت
لاقيت الكل بيفهم اللهجه المصريه بسهوله
اعمل ايه بس اكتر من كده
هههههههههههههههه
منورين والله
رد مع اقتباس

مواقع النشر (المفضلة)



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

يوميــــات عـــاطل ... الحلقه الاولــى



التعليقات المنشورة لا تعبر عن رأي منتدى شباب الجزائر ولا نتحمل أي مسؤولية قانونية حيال ذلك ويتحمل كاتبها مسؤولية النشر

الساعة الآن 11:25 AM

Powered by vBulletin® Version 3.8.7 .Copyright ©2000 - 2015, Jelsoft Enterprises Ltd
Search Engine Optimization by vBSEO ©2011, Crawlability, Inc.
Designed & Developed by shababdz.com
جميع الحقوق محفوظة ©2014, منتدى شباب الجزائر لكل العرب