منتديات شباب الجزائر

العودة   منتدى شباب الجزائر لكل العرب > اقسام الخيمة الرمضانية > قسم نفحات رمضانية

قسم نفحات رمضانية مواضيع , فطور وسحور , اخبار رمضانية , وغيرها

البوقالات الجزائرية.زينة القعدات العاصمية -2-

الكلمات الدلالية (Tags)
البوقالات, الجزائريةزينة, العاصمية, القعدات
 
المواضيع المتشابهه
الموضوع كاتب الموضوع المنتدى مشاركات آخر مشاركة
حلوي اصابع زينب بالصور سلمى الجزايرية ركن الحلويات 5 2012-12-11 02:42 PM
البوقالات الجزائرية .....من المروث الجزائري الثقافي..... سفيرة الجزائر منتدى الثقافة الجزائرية والعربية 3 2011-08-29 02:12 PM
البوقالات الجزائرية.زينة القعدات العاصمية لحن الحياة منتدى الثقافة الجزائرية والعربية 16 2010-06-11 09:57 AM
عباية أم أداة زينة !؟ أبو معاذ منتدى الدين الاسلامي الحنيف 5 2009-11-20 08:56 PM

موضوع مغلق
 
LinkBack أدوات الموضوع انواع عرض الموضوع
  رقم المشاركة : ( 1 )  
قديم 2010-08-12
 

 الأوسمة و جوائز
 بينات الاتصال بالعضو
 اخر مواضيع العضو

  لحن الحياة غير متواجد حالياً  
رقم العضوية : 556
تاريخ التسجيل : Apr 2009
الدولة :
العمر :
الجنس :  female
مكان الإقامة :
عدد المشاركات : 1,202 [+]
عدد النقاط : 151
قوة الترشيح : لحن الحياة مبدعلحن الحياة مبدع
Hjonv32n Shosho البوقالات الجزائرية.زينة القعدات العاصمية -2-





رمضان كريم وسنين دايمة
وكل عام وشباب الجزائر بألف خير








حبيت نضيف اللمسة الجزايرية على سهرات رمضان
ما لقيتش خير من البوقالات تاع اجدادنا





كيما تعرفوا كل وحدة تدخل تنوي وتعقد
ومن بعد تخير رقم من 1-35 تلقى البوقالة تاعها


ان شاء الله تعجبكم





وهادي هي البوقالات





01 حليت باب الجنان لقيت الملاح رقود تنهدت الدالية و تحرك العنقود قال القمر فالسماء نكشف على السحاب يذوب خلي الحبيب لحبيبو و اللي في قلبو حاجة الله يبلغ المقصود .





02 نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها هيا .




03 يا لي جايا من العين و بيدك مليتي السلة سبحان من أعطاك أزين و زاد في بهاك ذيك الحلة .





04 النور يا النور و النور عينيا طبطبوا على الباب و جابو لي اللي عزيز عليا راني نتمنى من ربي يجي يطلب يدي من ماليا .




05 جاز عليا شباب في يده منديل ازرق و ششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق .





06 الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك و نرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا .





07 اطلعت للسطح و فرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا .





08 لو كان السعود ينغرسو نغرس ميات عود و عود في طية وحدي لكن السعود في يدك يا معبود يا سقام السعود سقم لي سعدي الناس الكل بحبيبهم وأنا غريب في هذا الدنيا وحدي .





09 فاطمة يا فطوم وين ما تكوني نرسلك مرسول إذا سكنتي البحر نرسلك عوامة وإذا سكنتي السماء نرسلك حمامة و إذا سكنتي القبر يحاسبك مولانا .





10 علاش يا لالا التخمام رحمة الله واسعة و كبيرة لو كان جات بالكلام نتحدثو و نعطوك تدبيرة بصح كل شي بالمكتوب ويعيا و الخير يبان و تزول عليك الهموم و تروح الحيرة .





11 أعلميني يا لالا نهار تروحي لحمامك نرفدلك السلة و نمشي قدامك ندور على يمينك و نزيد على شمالك و نبقى لك خديم و طايع على طول زمانك .





12 السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها .





13 يا لشمس الضوايا يا العالية في سماك لو كان صبتك مرايا و نشوف وجهي بضواك يعود ربحي و غنايا و يقسم سعدي ذاك .





14 في الساقية الماء يجري و الحشيش نابت متخالف بالشوك مليت حجري من هذاك الراي التالف كي غبت و غاب زهري و لا اللي يجيني خايف .





15 أقعدت تحت النخلة قالولي دقلة نور جات أدور أطلعت فوق النخلة و بالعسل رشيت الصور معاه المعيشة تحلى حبيبي الساكن في القصور .





16 جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردت ضي النجوم .





17 شجرة ياسمين نايضة في وسط الغرفة عروقها سكنجبير و أغصانها قرفة والله ما ننساك يا زينة الوقفة .





18 ما نكلش القارص لو يشهيني و ما نخذش الشيخ لو كان يغنيني ناخذ شاب صغير قده يواتيني .





19 دارنا في الجبل مقبلة مكة و فراشها حرير طبقة على طبقة و مصباح الفضة يشعل ما يطفى .





20 غرست ياسمينه في وسط الدار عروقها سكنجبير و أطرافها نوار يما يا يما محلى عشق الجار العين تخز في العين و القلب شاعلة فيه النار .





21 أصلك أصلك و ما ينفع غير الصح مولاة النية الصافية عليها ربي يفتح أطول و لا تقصر يجيها السعد و الربح .





22 يا مولاة القلب الكبير ربي يعطيك و يوسع عليك ما عندك لا ذهب و لا حرير و أنت دايما زاهية و ربي مسهلك ما دريت من حيلة ندير باش نكون مثلك .





23 التمر و الحليب في طبق وسط الخيمة نهديهم للحبيب باه يوالف ديمة ما يعزش اللي في الجيب هذاك زوجي يالميمة .





24 يا لتفاح الجربى يا مكر بع محلاك نهديك أنا لحبيبي و بيه نرفع اشناك كي حن عليا ربي أرافقو أنا وياك .





25 يا لساكنة في الخيمة و الريح جاني قبلي ردي أوراقك ديمة لا يولي الريح غربي .





26 في الدار صندوق مخبي في وسطو ذهب و جوهر مرجان و روبا قظيفة قالولي اماليا لمن مخبيه قلتلهم لهذيك مولاة الشان مولاة المشية الظريفة .





27 يا لالا يا لالا يا مولاة القلب القاسي حني على حبيبك يالي طيرتي مني نعاسي ملي شفتك راني نتعذب عليك نعادي اماليا و قاع أحبابي وناسي .





28 حكمت الطير بتكة الحرير و ما ظنيته يطير من بعد ما والف خلى قفصي و عمر قفص الغير و اقعدت أنا في البحور نتمشى تالف لا سواري لا قلاع لا وجدت مقاذف هذ الزمان يعطي و يخالف .





29 علي يا علي يالي سومك غالي من صابك تجي لعندي نفرشلك مطرح حرير و نغطيك بيزاري .



30 عيطت على سيد الملاح صبت الناس رقود هزيت الدالية طاح منها عنقود النجوم قالت النجوم نحكي و قال القمر نذوب اصبر يا قلبي ياك كل شي مكتوب .







31 يا للي ملكتنني بزينك يالزايدة في عذابي في الليل نومك و في النهار نترجاك قوليلي غير كليمة يرحم اللي رباك .






32 و ين الطريق اللي فيها محبوبي جيبولي التراب من ثمة نشريه نعمله جعيبة في مكتوبي و إذا مرضو عينيا نكحل بيه حبيبي ما يسمح فيا و أنا ما نسمح فيه .





33 ذاك الحمام اللي محبوس في السجنة يعيا و يفرج ربي و نرجعوا خير من اللي كنا .





34 يا قاعدة في الجنينة و القرقاف حذاك في النهار نتفكرك و في الليل نترجاك قلبي وصل لعندك و عينيا حشمو من بهاك .




35 شجرة على طرف البير و أعراقها دلايا يما شفت الطير وجهوا كي المرايا عليه لعقاد تسير و عليه نطوي الثنايا





كل وحدة تقولنا بوقالتها





اعلانات
 
  رقم المشاركة : ( 2 )  
قديم 2010-08-12
 

 الأوسمة و جوائز
 بينات الاتصال بالعضو
 اخر مواضيع العضو

  محاربوا الصحراء غير متواجد حالياً  
رقم العضوية : 7113
تاريخ التسجيل : Apr 2010
الدولة :
العمر :
الجنس :  female
مكان الإقامة : khenchela
عدد المشاركات : 2,008 [+]
عدد النقاط : 226
قوة الترشيح : محاربوا الصحراء مبدعمحاربوا الصحراء مبدعمحاربوا الصحراء مبدع
افتراضي رد: البوقالات الجزائرية.زينة القعدات العاصمية -2-

مشكووووورة اختي
  رقم المشاركة : ( 3 )  
قديم 2010-08-12
 

 الأوسمة و جوائز
 بينات الاتصال بالعضو
 اخر مواضيع العضو

  سارة الجزائرية غير متواجد حالياً  
رقم العضوية : 6020
تاريخ التسجيل : Feb 2010
الدولة :
العمر :
الجنس :  female
مكان الإقامة : بيانسير دزاير
عدد المشاركات : 276 [+]
عدد النقاط : 10
قوة الترشيح : سارة الجزائرية
افتراضي رد: البوقالات الجزائرية.زينة القعدات العاصمية -2-

شكرااا على البوقالااات
رااائعة
  رقم المشاركة : ( 4 )  
قديم 2010-08-12
 

 الأوسمة و جوائز
 بينات الاتصال بالعضو
 اخر مواضيع العضو

  meriem16 غير متواجد حالياً  
رقم العضوية : 6218
تاريخ التسجيل : Feb 2010
الدولة :
العمر :
الجنس :  female
مكان الإقامة : العاصمة
عدد المشاركات : 575 [+]
عدد النقاط : 10
قوة الترشيح : meriem16
افتراضي رد: البوقالات الجزائرية.زينة القعدات العاصمية -2-

08 لو كان السعود ينغرسو نغرس ميات عود و عود في طية وحدي لكن السعود في يدك يا معبود يا سقام السعود سقم لي سعدي الناس الكل بحبيبهم وأنا غريب في هذا الدنيا وحدي .
نويت رقم 8 على روحي وطاحتلي هذه مشكوووووووووورة
موضوع مغلق

مواقع النشر (المفضلة)



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

البوقالات الجزائرية.زينة القعدات العاصمية -2-



التعليقات المنشورة لا تعبر عن رأي منتدى شباب الجزائر ولا نتحمل أي مسؤولية قانونية حيال ذلك ويتحمل كاتبها مسؤولية النشر

الساعة الآن 02:25 AM

Powered by vBulletin® Version 3.8.7 .Copyright ©2000 - 2015, Jelsoft Enterprises Ltd
Search Engine Optimization by vBSEO ©2011, Crawlability, Inc.
Designed & Developed by shababdz.com
جميع الحقوق محفوظة ©2014, منتدى شباب الجزائر لكل العرب