منتديات شباب الجزائر

العودة   منتدى شباب الجزائر لكل العرب > الأقسام العامــة > منتدى النقاش والحوار > ركن لهجتنا الجزائرية

ركن لهجتنا الجزائرية هنا نتكلمو بلهجتنا الجزائرية في حدود المعقول

هنا نتكلمو بلهجتنا موضوع متجدد

الكلمات الدلالية (Tags)
أتحدى, موضوع, بلهجتنا, هنا, نتكلمو
 
المواضيع المتشابهه
الموضوع كاتب الموضوع المنتدى مشاركات آخر مشاركة
اسئلة أتحدى أي أحد قدر يجاوب عليها عربية حرة منتدى الالعاب والتسلية 6 2011-06-11 08:33 PM
وانخوتااااااه! من أين لنا بأم عمارة وأسماء؟!!!!!!!!! -موضوع متجدد بإذن الله تعالى- أبو البراء التلمساني ركن قصص الأنبياء والصحابة والتابعين 4 2010-04-15 11:58 PM
قصيدة بلهجتنا عن شهر رمضان سلمى الجزايرية ركن الشعر والخواطر وابداعات الأعضاء 4 2009-08-21 05:02 PM

 
LinkBack أدوات الموضوع انواع عرض الموضوع
  رقم المشاركة : ( 1 )  
قديم 2009-02-09
 

 الأوسمة و جوائز
 بينات الاتصال بالعضو
 اخر مواضيع العضو

  zazou_psy4 غير متواجد حالياً  
رقم العضوية : 46
تاريخ التسجيل : Oct 2008
الدولة :
العمر :
الجنس :  male
مكان الإقامة :
عدد المشاركات : 238 [+]
عدد النقاط : 107
قوة الترشيح : zazou_psy4 مبدعzazou_psy4 مبدع
افتراضي هنا نتكلمو بلهجتنا موضوع متجدد


سألني مرة واحد قالي راك مروماركي حاجة بلي الحوادث كثرت قتلو سي كاينة
قتلو اسكو كانو في الثمانينات كاينين هادو ليزاكسيدو ..قالي لا
قتلو هادي من لا تكنولوجي لي راهي واصلة
قبل كانت ما تفوتش 120 دوكا راهي في 240
والحاجة ليــ gـــراف هوما لي زوبسيو Option
مثلا ليزارباغ AirBag
واحد عندو مارسداس دار اكسيدون خرجو 11 ارباغ ..ههه ماصرالو والو
قتلو معامن كنت قالي مع صحيبي قتلو كان جيت وحدك وخرجولك 11 ارباغ
يزيد يخرج امام باه ما تتنخلعش يقلك سمالله سمالله صايي لحديد مخلوف
في ميزكم واحد كيما هاك وانا عندي مام فواتيرة طوموبيل زعما ..نولي ما نخافش من لا فيتاس
برسكو علبالي بلي فلان دار اكسيدو وما صرالو والو
مالا نقلهم اوليو ديرو ارباغ في Volant يديرو كلب راك تتمشى تدخل في حيط يخرج ياكلك نورمال

صدقوني تفرجت وحد ايميسيون في لاتيلي على كوستاريكا
على البنان ينبت عندهم على البحر يروحو يقلعوه بلي زودياك ..لفلايك
من بعد يجيو لابلاج يفرغوه من بعد يرفدو تراكتور صغير (جرار) ويديوه لوزين (مصنع) من بعد يعلقوه ويغسلوه يديروه في الصاشيات من بعد يونباليوه من بعد يديروه في الكاميون من بعد يمشي وحد 40 كيلو للبور من بعد البابور ..يطيب في الطريق ..يتمشى شهرين..وترنسميسون في الطريق طوطو طط طوطاا راكم تعرفو صوت ترونسميسيون من بعد ديوانا الكاشي باه يفوت ..ريسك
ومن بعد تصيبو ينباع بالديطاي 700 :63: شحال راهم يخلصوه :eh_s(1): هههه من كوستاريكا
انا تبانلي بلي راهم يجيبو فيه ويزيدونا في الدراهم
Alors
العربي جايب بيدون نتاع بانتورة غلي لاك 500 هههه معمرو هندي ههههههه
لا ميزان لا .... هههه ياو الهندي غير بيناتنا الهندي فروي Fruit هههه cest la grounad Marocin الور تصيبو مريح تقولو شحال خويا يقلك 20 ميل
تقولو ساعدني خويا خليهالي 10 ميل ...يقلك ما فيهاش ...ههههههههههه
دوخني الكلمة هادي نتاع ما فيهاش ...واش بيك ...الهندي ..غرسها جدك الخامس
نتا تعس الهندي cest pas veri ديجا هو سور على الدار يعس عليكم ..واش درت نتا
تسقيها ...ديجا طيح الشتا ما طيحش ..الجفاف 20Temp الهندي كاين الهندي موالف يخرج يخرج طيح لمطر ولا ما طيحش حاجة ماعلبالو غير يجي الصيف يخرج هدا هو الهندي
Alors هو غير قصبة مشرحة هاك وينح الهندي .....ههههه...مافيهاش
البنان من كوستاريكا ..هههه يخي حالة
من بعد يهدرو على الحرقة والله كان ما نكدبش يبانلي بلي الشباب لي في البحر كتر من الحوت
نتاع الحرقة هادو ولات كي يجو لفلايك نتاع الحوت يجيبو كازي نتاع ميرلون وكازي نتاع روجي و4 ديجان ميتين انا كنت نحب نصيد وليت نخاف نطلع ولد خالتي ..ولا طلع نسيبك ههههه اووووو نسيبي من بعد ديرو في الباني ودخلو والله كطاستروف

خطرة سألني خويا الصغير قالي بكري كانو عمارهم كتر منا قتلو كيفاه
قالي فرعون عاش 400 عام قالي اعلاه حنا نقصونا بزاف قالي رانا انتر 70 -80 عام واقلب ههه
مالقيت كيفاه نفهمو ايا قتلو هادي باينة اعلاه قتلو تحسب في لاج نتاع 400 عام تحسبو كيما حنا لي كان في عمرو 400 كان صحيح عليا يضرب الحيط يطيحو سي نورمال يعيش
جابلي ضحكة قتلو ايماجيني واحد في عمرو 400 مريح مع واحد في عمرو 390 واحد اخر كلاصتهم في عمرو 350 من بعد يجي واحد في عمرو 170 عام حتى يقولو واحد منهم
انطلق يا بز يالله ههههه راهي قريب 8 يالله الدار بزاوز تاخير الزمان دونك هدا بز
ايماجيني وحدة في عمرها 400 ومعاها وحدة في عمرها 370 وهاديك رافدة بيبي صغير
تقلها يووووووو زين يهبل ولدك شحال في عمرو تقلها راه داخل على 73 عام ههههههه
40 عام يتقمط نورمال
لي عودة لتكملة الموضوع مزال في جعبتي الكثير
عذرا على اصحاب اللغة العربية الفصحة الله غالب حبينا نكتبو شويه بلغتنا
بعيد على كوبي كولي ارجو من الاخ سمير فتح قسم فرعي تابع للاقسام العامة
نتكلمو فيه بلهجتنا
سلملم..لي عودة ان شاءالله:10:

رد مع اقتباس
اعلانات
 
  رقم المشاركة : ( 2 )  
قديم 2009-02-09
 

 الأوسمة و جوائز
 بينات الاتصال بالعضو
 اخر مواضيع العضو

  ღ M!ss ALg ღ غير متواجد حالياً  
رقم العضوية : 183
تاريخ التسجيل : Dec 2008
الدولة :
العمر :
الجنس :  female
مكان الإقامة : la foie
عدد المشاركات : 831 [+]
عدد النقاط : 105
قوة الترشيح : ღ M!ss ALg ღ مبدعღ M!ss ALg ღ مبدع
افتراضي رد: لم اجد حتى عنوان ..جنون ....لحديث قياس

اقتباس
ايماجيني وحدة في عمرها 400 ومعاها وحدة في عمرها 370 وهاديك رافدة بيبي صغير
تقلها يووووووو زين يهبل ولدك شحال في عمرو تقلها راه داخل على 73 عام ههههههه

40 عام يتقمط نورمال


هههههههههههههههههههههههههههه
استمتعت بالقراءة حتى تمنيت ان لا ينتهي الموضوع
يعطيك الصحة خويا زازو
مميز كما تعودنا عليك
تقبل ارق التحايا واعطرها ...
رد مع اقتباس
  رقم المشاركة : ( 3 )  
قديم 2009-02-09
 

 الأوسمة و جوائز
 بينات الاتصال بالعضو
 اخر مواضيع العضو

  براءة غير متواجد حالياً  
رقم العضوية : 36
تاريخ التسجيل : Oct 2008
الدولة :
العمر :
الجنس :  female
مكان الإقامة : 3ALGERIA
عدد المشاركات : 1,323 [+]
عدد النقاط : 117
قوة الترشيح : براءة مبدعبراءة مبدع
افتراضي رد: لم اجد حتى عنوان ..جنون ....لحديث قياس

ههههههههههههه

دائما مواضيعك شابين بزاااااااااااااف

ربي يحفظك

وعلى قسم بلهجتنا العامية ... قدمت أنا من قبل طلب في قسم الإقترحات لكن يبدو الظروف ما سمحتش

نتمنى تكتب تا تاني طلب باش نهبلوهم ويديرونا قسم للهجة العامية

وشكرا جزيلا لك
رد مع اقتباس
  رقم المشاركة : ( 4 )  
قديم 2009-02-09
 

 الأوسمة و جوائز
 بينات الاتصال بالعضو
 اخر مواضيع العضو

  zazou_psy4 غير متواجد حالياً  
رقم العضوية : 46
تاريخ التسجيل : Oct 2008
الدولة :
العمر :
الجنس :  male
مكان الإقامة :
عدد المشاركات : 238 [+]
عدد النقاط : 107
قوة الترشيح : zazou_psy4 مبدعzazou_psy4 مبدع
افتراضي رد: لم اجد حتى عنوان ..جنون ....لحديث قياس

شكرا على المرور
والله اخت شفاء القسم مطلوب ..كلنا عندنا ميولات في المنتدى
لكن فيه وقت لازم واحد يرتاح ويتكلم في موضوع بلغتنا الدارجة في حدود المعقول
وتعرف بلغتنا رانا نشوفو في المنتدى حتى بعض الاعضاء جزائريين
ويتكلمو وايد وفينك وزيك ويسلمو
المهم ترقبو الجزء الثاني من الموضوع
رد مع اقتباس
  رقم المشاركة : ( 5 )  
قديم 2009-02-09
 

 الأوسمة و جوائز
 بينات الاتصال بالعضو
 اخر مواضيع العضو

  براءة غير متواجد حالياً  
رقم العضوية : 36
تاريخ التسجيل : Oct 2008
الدولة :
العمر :
الجنس :  female
مكان الإقامة : 3ALGERIA
عدد المشاركات : 1,323 [+]
عدد النقاط : 117
قوة الترشيح : براءة مبدعبراءة مبدع
افتراضي رد: لم اجد حتى عنوان ..جنون ....لحديث قياس

ـههههههههههههههههـ

معك حق

أحب أن أقول لكل الأعضاء تمتعوا بحس الوطنية

وخلوا عدنا النيف ... كامل المنتديات تاع الدول الأخرى ما يتكلموش بلغتنا وعلاش حنا نستخدموا لغتهم ؟
يا الفصحة يا الدارجة تاعنا

مرسي عليك خويا زازو
رد مع اقتباس
  رقم المشاركة : ( 6 )  
قديم 2009-02-09
 

 الأوسمة و جوائز
 بينات الاتصال بالعضو
 اخر مواضيع العضو

  zazou_psy4 غير متواجد حالياً  
رقم العضوية : 46
تاريخ التسجيل : Oct 2008
الدولة :
العمر :
الجنس :  male
مكان الإقامة :
عدد المشاركات : 238 [+]
عدد النقاط : 107
قوة الترشيح : zazou_psy4 مبدعzazou_psy4 مبدع
افتراضي رد: هنا نتكلمو بلهجتنا موضوع متجدد

الله يعيشك ختي شفاء حتى ردك يبرد القلب
المهم...فاصل ونواصل

°° الجزء الثاني °°
واش نهدرلكم والا على واش خممت ..تفكرت وحد المشهد
نتاع جنازة في الخارج واحد مسيحي كان جاري ايا ناس ملاح
علبالي بلي يدفنوه في مقبرة نتاع مسيحيين ايا كلمت الامام قتلو فلان مات وراك تعرف مسيحي
قتلو حنا مسلمين اسكو نمشو معاه ولا لا قالي تمشيو ...قتلو بلاك تهدرو فينا قالي اعلاه
قتلو حنا لعرب واعرين تم تم ندورو على الهدرة ..ههههه ...قالي نورمال واش هو ما تقراو ما تفتحو ما والو
يسما غير الحضور تعاكم يكفي ...المهم مشينا للجنازة انا جزت على جنازات نتاع عرب مي نتاع القاوري مزال
اول مرة نحضر ..المهم جابوه هازينو مرابع بين 4 ويمشو بشويه موراه ولادو وبناتو وفاميلتو وراه الخدامين نتاعو ...من بعد انا وصاحبي... سبحان الله نظام
مايهدرو ما يديرو فوضى ..مطيحين رسانهم ويتمشو من بعد حطو الصندوق جا البابا (البار Pere)
دارب عباية كحلة ومحزم بحبل معلق صليب ورافد كتاب صغير
وحنا دايرين دومي ساركل بدا يقرا بانتلي هدرة مليحة ..هههه.. هدرة ما تخوفش عجبتني
من بعد قال (ديو اي غرو) ..قلت لصاحبي الموتة هنا ما تخوفش يبان غير تغاشى ولا
صدقوني بنتو تبكي ..كيفاه تبكي شادة مشوار مركبتها في عينها وتبكي هكدا ( هأ هأ هأ) 3 مرات برك
من بعد تتسند على خوها وتقولو( لوبـــV ــر) خوها يقولها (كوغاج ايميلي)
من بعد هيا رمات عليه وردة وخوها شويه تراب وقالو (غوبوز مونبار) ..غوبوز ...عجبتني غوبوز
يسما حنا نموتو ونتوما تروبوزيو..مافهمتش هادي روترات دومي ديطونت ولا واش
انا قتلو تصبح على خير جاري ...
من بعد خرجنا ....هادي هيا الدفينة ني بليس ني موان
اييييييييييييي ارواحو نحكيلكم وحد الجنازة هنا عندنا
دفنا عمر بن عمر...(.فيلم دورار)...قالونا مات طلعنا ..من بعد عيطو لوحد الناس باه يرفدو النعش ..هههههه...جاتهم 404 باشي
تعرفو كيفاه جايين ما تعرف رايحين يهزو فريجيدار ولا عجل..المهم وصلنا لبيت الميت هدا
شافتنا بنتو 20 عام عندها قورزي صحيح وبدات
وووووووووواو وبدات تندب ...خرج خوها وبدا فيها بالكف ادخلييييييييي ..من بعد
خرج خوها اخر ويعيط خلولي بويا ويعيط ...واش الحالة هادي
المهم رفدوه وركبو 4 منا و 4 من هيه وانا نتمشى من وراهم حتى نطق واحد فيهم وقال لي مقابلو
وجبد بورتابل قالو هدا النيميرو راه غير يبيبيلي كيفاه ندير الماسكي ..ههههههه
وما نعرفش ندير الماسكي ..يخي حالة
المهم صلينا عليه وجينا ندفنوه ايا كان الغاشي بزاف انا جبدت بعيد شويه حتى نسمع
ارا ..ارا..ارا ...ارا ..دوختني هادي الكلمة...قلت نقرب نشوف..انا قلت واش راهم يفصلو فيه يقطعو فيه
وكي وصلت ...هههههههه....هوما يتكلمو على البالة ..فيها الاجر ..شفت دايرين لاشان
يضرب زوج ضربات يقولو لي موراه ارا ارا
شوفو يعني ..منين مات يدو معاه الاجر ..بصح لوكان جا هدا حي ويبني في دارو ما ترفدش البالة تعاونو ..اكيد رايح تقول اه العفريت ولا يبني ما نعرف منين جاب الدراهم وراه يطلع في الدوزيام
يعني في الدنيا حاسدو وكي مات باغي تدي الاجر

لي عودة في كاش حكاية من المجتمع نتاعنا
رد مع اقتباس
  رقم المشاركة : ( 7 )  
قديم 2009-02-09
 

 الأوسمة و جوائز
 بينات الاتصال بالعضو
 اخر مواضيع العضو

  zazou_psy4 غير متواجد حالياً  
رقم العضوية : 46
تاريخ التسجيل : Oct 2008
الدولة :
العمر :
الجنس :  male
مكان الإقامة :
عدد المشاركات : 238 [+]
عدد النقاط : 107
قوة الترشيح : zazou_psy4 مبدعzazou_psy4 مبدع
افتراضي رد: هنا نتكلمو بلهجتنا موضوع متجدد

......عدنا
انا كنت نهدر قلت كلب ...عاودت وانا نحكي قلت كلب
قالي واحد قول حاشاكم ...سكت انا ايا قلتلو حاشاكم باه نكمل كلامي قالي اعزكم الله
تنارفيت انا قتلو ..اعلاه صحا...كان قلت الذيب قالي ما نقولش حاشاكم
قتلو كان نقول لحمار قالي نقول حاشاكم قتلو كان نقول حصان قالي ما نقولش حاشاكم
فهمني علاش درتو حاشاكم غير لحمار والكلب..علاش قالي مانيش عارف
قتلو انا ارواح نفهمك ..قتلو شوف اي حيوان تذكرو تقول اكرمكم الله برسكو ربي كرمنا بالمخ
ونتوما جبدتو غير لحمار والكلب وقلتو عليهم حاشاكم
كاين آية تقول
واخرجناكم من بطون امهاتكم لا تعلمون شيئا
كيما وحد الالماني خدم مارسداس خدم توارق ...نتا واش خدمت..قالي والو
ههههههههه...دونك حاشاكم هادي ترجع ليك نتا ..هههه ..يعني كس نقول توارق قولي نتا حاشاك
تعرف وقتاش نقلك اعزك الله حتى نخدم وحدة كيفها
Alors باه قلعوها من رواحهم لصقوها في لحمار والكلب
كيما لا تشفاو معايا بكري كان لي يصلح في الطريق هادوك نتاع لاميري


كانو يتسماو الصلاحين كان يصلحو ينقو في البلاد ولاو يسموهم الزبالين
تعرفو شكون الزبالين ..حنا...حنا لي رانا نوسخو هداك راه ينقي
نحكيلكم قصة شابة شابة على وحد الماريكاني شريكة قادرة
كان حاب يشري الحاجة بليشار في الارض الحاجة الغالية
قالهم شحال تسوى لافريك (افريقيا) قالولو طا ..قالهم رخيسة انا باغي حاجة غالية
قالهم لقمر شحال يسوى قالولو 300 ميل للماتر كاري قالهم احسبوها
من بعد هههه...TVA ...خرجهالو في 81 بليار دولار المهم شرا لقمر
ايا قالهم ابارتير من غدوة لقمر راه بريــv ـــي ولي يبغي يطلع للقمر يتصل بيا يخلص ويطلع
ايا دار افار ولا لقمر منطقة سياحية والغاشي طالع يحوس ولا يتباعو تصاور وحتى لي بيل بطاريات نتاع النيميريك هههههههههه....ايا دار افار شابة ولا يدخل في الفلوس
ايا سمعو واحد عربي ..ياك لعرب عندهم لفلوس وهدا عندو كتر من الماريكاني
قالهم قاع عندنا دراهم ايا قولو للامريكين الشمس شحال تسوى انا نشري الشمس
ايا لقاها بري نتاعها 2fois السومة نتاع لقمر قالهم اوكي نخلصها ابارتير من غدوة الشمس بريــV ــي
قالو واحد صاحبو مالك نتا مهبول الماريكاني شرا لقمر راه يدخل في دراهم ونتا الشمس واش دير بيها
شكون يطلع لشمس ..ههههههههه..قالو شغلي
بصح ولا يخلص على لي يشمس ههههههههه..تخلصوها غالية
ساعة في الشمس عندك 8000 للواحد هههههههههه ..ايا ولا الغاشي غير الضليلة
النسا ههههه تقدر تنشر في السطح ...ههه..تخلص 3000 لتريكو ..هههههههه الجلابة 42000....هههه
ونتا مخلصها في المgــازة بــ 40000
الصيف الناس لي تعوم ههههه ما تبرونزيش ..نتا مريض ..لبارح خلص 80000 نتاع الشمس
وزيد احسب الكاسكروط .....يولي الغاشي يستنى تهود الشمس باه يهبطو للبحر تسمع هاي هودت هودت
ههههههههههه الغاشي يعوم في الليل

لي عودة...........ههههههههه.
رد مع اقتباس
  رقم المشاركة : ( 8 )  
قديم 2009-02-11
 

 الأوسمة و جوائز
 بينات الاتصال بالعضو
 اخر مواضيع العضو

  سفيرة الجزائر غير متواجد حالياً  
رقم العضوية : 30
تاريخ التسجيل : Oct 2008
الدولة :
العمر :
الجنس :  female
مكان الإقامة : мādḝ ΐη āĻgë®ĭā
عدد المشاركات : 4,141 [+]
عدد النقاط : 427
قوة الترشيح : سفيرة الجزائر محترف الابداعسفيرة الجزائر محترف الابداعسفيرة الجزائر محترف الابداعسفيرة الجزائر محترف الابداعسفيرة الجزائر محترف الابداع
افتراضي رد: هنا نتكلمو بلهجتنا موضوع متجدد

اقتباس
مشاهدة المشاركة المشاركة الأصلية كتبت بواسطة zazou_psy4


ساعة في الشمس عندك 8000 للواحد هههههههههه ..ايا ولا الغاشي غير الضليلة
النسا ههههه تقدر تنشر في السطح ...ههه..تخلص 3000 لتريكو ..هههههههه الجلابة 42000....هههه
ونتا مخلصها في المgــازة بــ 40000
الصيف الناس لي تعوم ههههه ما تبرونزيش ..نتا مريض ..لبارح خلص 80000 نتاع الشمس
وزيد احسب الكاسكروط .....يولي الغاشي يستنى تهود الشمس باه يهبطو للبحر تسمع هاي هودت هودت
ههههههههههه الغاشي يعوم في الليل


ههههههههههههه شكرا لك أخي على المجهود
إن شاء الله نشوف جديدك
تقبل تحياتي
رد مع اقتباس
  رقم المشاركة : ( 9 )  
قديم 2009-02-11
 

 الأوسمة و جوائز
 بينات الاتصال بالعضو
 اخر مواضيع العضو

  ღ M!ss ALg ღ غير متواجد حالياً  
رقم العضوية : 183
تاريخ التسجيل : Dec 2008
الدولة :
العمر :
الجنس :  female
مكان الإقامة : la foie
عدد المشاركات : 831 [+]
عدد النقاط : 105
قوة الترشيح : ღ M!ss ALg ღ مبدعღ M!ss ALg ღ مبدع
افتراضي رد: هنا نتكلمو بلهجتنا موضوع متجدد

ههههههههههههههههههههه ,,,,رانا نستناو فيك وفي حكاياتك
ومرسي على هدي الفسحة لي درتها باه نقدرو نحكوا بلهجيتنا ونفهموا بعضانا
تحياتي,,,
رد مع اقتباس
  رقم المشاركة : ( 10 )  
قديم 2009-02-12
 

 الأوسمة و جوائز
 بينات الاتصال بالعضو
 اخر مواضيع العضو

  مهند تاع الحومة غير متواجد حالياً  
رقم العضوية : 337
تاريخ التسجيل : Feb 2009
الدولة :
العمر :
الجنس :  male
مكان الإقامة : الجزائر العاصمة و حراشي تاني
عدد المشاركات : 38 [+]
عدد النقاط : 11
قوة الترشيح : مهند تاع الحومة
افتراضي رد: هنا نتكلمو بلهجتنا موضوع متجدد

ياخو عجبوني بزاف حكايتك و باين دمك خفيف كيما انا لذا هاذي حكاية من عندي

كاين واحد جارنا بوشي ناس ملاح و غير التحراش معاه السيريو ما عندوش و عندو طفل في عمرو 13 سنة دخلو للزاوية تاع الجامع يحفظ القران و يتعلم دينو و جازو يامات ضرب قميص و ريح مع باباه باش يتعشاو في الدار لقاو عدس تقدمو للطابلة و قال الطفل لباباه -- بابا قول باسم الله -- غزر فيه و زعف قالوا تسمى قريت يومين جاية توريلي .. قالو علاه نقول باسم الله ريبوندا المصغر هاداك و قال -- بابا باش ما ياكولش معاك الشيطان -- حكمو البوشي باباه من ودنو و قالو تسمى الشيطان جايح يخلي الجاج و الشواء تاع الشيراطون و يجي ياكل معايا العدس خخخخخخخ قالو و الله ما نقول باسم الله و علابالي بلي الشيطان ماكاشو هنا سيرتو في و قت العشا و ديجا زيدلي الملح و كثر هكدا باش ولا غلط سير تحكمو كونستيباسيون هههههههه

و مرة هذا جمال البوشي مع الصباح خارج يخدم و عند الباب لقا 2 دراري يضاربو واحد و سمو شعيب و و لاخر يونس و صاحبهم و سمو اسلام يتفرج ما حابش يدخل روحو
حار جمال و جا للحانوت و قال للغاشي علابالكم قالو وشنو الشيخ جمال قالهم -- الأنبياء يضاربو و الاسلام ما دخلش روحو -- ههههههههه
رد مع اقتباس

مواقع النشر (المفضلة)



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

هنا نتكلمو بلهجتنا موضوع متجدد



التعليقات المنشورة لا تعبر عن رأي منتدى شباب الجزائر ولا نتحمل أي مسؤولية قانونية حيال ذلك ويتحمل كاتبها مسؤولية النشر

الساعة الآن 01:45 PM

Powered by vBulletin® Version 3.8.7 .Copyright ©2000 - 2015, Jelsoft Enterprises Ltd
Search Engine Optimization by vBSEO ©2011, Crawlability, Inc.
Designed & Developed by shababdz.com
جميع الحقوق محفوظة ©2014, منتدى شباب الجزائر لكل العرب