منتديات شباب الجزائر

العودة   منتدى شباب الجزائر لكل العرب > الأقسام العامــة > منتدى الادبي

قصيدة تحكي على علامات القيامة

الكلمات الدلالية (Tags)
القيامة, تحكي, علامات, قصيدة
 
المواضيع المتشابهه
الموضوع كاتب الموضوع المنتدى مشاركات آخر مشاركة
صور تحكى عيسى السودانى منتدى عالم الصور والكاريكاتير 6 2011-12-20 05:18 PM
ما حُـكم مشاهدة المسلسلات التي تحكي قصص الأنبياء وقصص السلف الصالِح ؟ Ḿéřięm Ḿàjikà منتدى الدين الاسلامي الحنيف 3 2011-08-09 02:03 PM
سبهة اشياء تحكي مابداخلك محاربوا الصحراء منتدى العام 4 2011-05-28 11:03 AM
علامات يوم القيامة الصغرى وحيدة القمر منتدى الدين الاسلامي الحنيف 2 2010-04-20 01:07 PM
هل تحكي عن صدق احساسك ومابداخلك ...؟؟ [ موضوع للنقاش ] سفيرة الجزائر منتدى النقاش والحوار 3 2009-02-10 11:47 PM

 
LinkBack أدوات الموضوع انواع عرض الموضوع
  رقم المشاركة : ( 1 )  
قديم 2012-02-11
 

مشرفة منتدى علم النفس وتطوير الذات


 الأوسمة و جوائز
 بينات الاتصال بالعضو
 اخر مواضيع العضو

  عابر سبيل غير متواجد حالياً  
رقم العضوية : 8488
تاريخ التسجيل : Sep 2010
الدولة :
العمر :
الجنس :  female
مكان الإقامة :
عدد المشاركات : 6,394 [+]
عدد النقاط : 1236
قوة الترشيح : عابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud of
Post قصيدة تحكي على علامات القيامة

السلام عليكم و رحمة الله و بركاته :



الأسباب


باسمك يا خالق مئة رحمة تسعة و تسعين ليوم الحساب

و رحمة وحدة راهي مقسومة بيناتنا كامل حنا و الدواب

يامن فضلتنا على كل امة بآخر دين و بآخر كتاب

و بآخر نبي نبي الرحمة صلوا وسلموا عليه يالحباب

خلاص الناس كامل راهي عالمة بلي الاسلام هو دين الصواب

ودّوا الكفار لو كانوا كيما حنا مسلمين آه يا من صاب

لكن و لاكن ديما هادي الكلمة تبقى متبعتهم حتى للتراب

خاطر ديننا ربي دارلوا قيمة ما قدرولوش وعليهم صعاب

لقاو بلي ديننا ولعقل و لحكمة القلب و الواقع كامل صحاب

ماشي كيما هوما الي كانوا ديما يحرّموا استعمال لعقل فلكتاب

أما ديننا فيه شحال من كلمة الذين يعلمون وأولي الألباب

ويخشاو الله عبادو العُلاما وقراو حاجات لقاوهم صواب

سمعنا مرة بلي لقاو الما فوسط البحر صالح للشراب

و البحر المسجور فيه الما يحمى و الجمر من تحتو يلهب لهاب

و زيد الصلاة لقاو فيها حكمة مع الأدرنالين داخل الأعصاب

حتى الصيام ،الوضوء والحجامة حتى لخلاط التسلام والحجاب

لقاو المضرة فالصوالح المحرمة ولقاو فالطاعات الحل الصواب

و لقاو فالقرآن كتابة مرقومة إعجاز فأبواب العلم والآداب

وصابوا حتى علامات القيامة الي مذكورين فالسنة و الكتاب

راهم يظهروا علامة بعلامة و درك نحاولوا نعملوا لحساب



للامانة تاليف : فيصل كرشوش
رد مع اقتباس
اعلانات
 
  رقم المشاركة : ( 2 )  
قديم 2012-02-11
 

مشرفة منتدى علم النفس وتطوير الذات


 الأوسمة و جوائز
 بينات الاتصال بالعضو
 اخر مواضيع العضو

  عابر سبيل غير متواجد حالياً  
رقم العضوية : 8488
تاريخ التسجيل : Sep 2010
الدولة :
العمر :
الجنس :  female
مكان الإقامة :
عدد المشاركات : 6,394 [+]
عدد النقاط : 1236
قوة الترشيح : عابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud of
افتراضي رد: قصيدة تحكي على علامات القيامة

العلامات الصغرى


نبداو بالعلامات الصغرى و هوما الأولى القرآن ... آخر كتاب

سيدنا محمد تنبعت فالخاتمة كآخر نبي فوق هاذ التراب

قال في حديت بإشارة و كلمة بالصبع لوسط والصبع السباب

قال انا والساعة تنبعتنا كيما هاذ الصبع وخوه ديروا لحساب

و ذكر من بين علامات القيامة لحفاة العراة الي يرعاو الدواب

يطاولوا في البنيان وفكل حومة يتنافسوا شكون بنيانو شباب

و ذكر تانيت بيوت الحرمة لجوامع تتزخرف حتى للمحراب

و تولي الناس ما عندهاش كلمة تضيع الامانة و يكتر النصاب

و بين لعلامات لما تشوف الآمة تولد ربتها كي يلحقوا لعقاب

و تولي الطفلة في يدها الحٌكمة تحكم فيماها و يتبدلوا لحساب

تكتر الزنا تولي جهراً قايمة توّلي مباحة و يكثر الشراب

يشربوا فالنهار ماشي فالظلمة راجل ومرا شايب او شاب

و الخاين لتما تولي عندو قيمة والي يقول الحق يتسمى كذاب

وتولي الامور والمناصب هايمة واحد ما يكون فلمكان صواب

تكثر البدعة الناس تجيب كلمة تفتي من راسها وتقول ملكتاب

الحرام حلال و الحلال محرمة يفتوها ويغروا بيها الشباب

يروح الحياء وتروح الحشمة الراجل يولّي كيفو كيف الداب

و لمرا لي ّكانت كيما لحمامة تولّي غراب تتمرمد فالتراب

كاسيات عاريات لا حيا لا حرمة لا نيف لا حكمة لا أم لا أب

وذيك الوحدة الي تكون محترمة يضحكوا عليها كي دارت حجاب

و زيد من بين علامات القيامة الفتنة و الحرب في كل تراب

تكثر المصالح و تتشتت الامة تكثر الطوائف و يكتروا لحزاب

تروح البركة و تنقص النعمة يكثروا النسا ويزيدوا فلحساب

ويولّوا الحكام شيعتهم زُعما و ما يحكموش بالسنة ولكتاب

واخر علامة كي يموتوا العُلاما واكبر العلاما راهم تحت التراب

ما بقالنا غير ندعولهم بالرحمة الصغار خلاصوا ولكبار قراب

علاش ما شي نخرجوا مالظلمة وملدرك نبداو نديروا لحساب

و نتوبوا قبل ما تظهر علامة مالعلامات الكبرى و ينغلق الباب


للامانة تاليف : فيصل كرشوش
رد مع اقتباس
  رقم المشاركة : ( 3 )  
قديم 2012-02-11
 
:: مراقب سابق ::

 الأوسمة و جوائز
 بينات الاتصال بالعضو
 اخر مواضيع العضو

  أبو معاذ غير متواجد حالياً  
رقم العضوية : 385
تاريخ التسجيل : Feb 2009
الدولة :
العمر :
الجنس :  male
مكان الإقامة : {{في قلوب أحبتي}}
عدد المشاركات : 9,397 [+]
عدد النقاط : 1325
قوة الترشيح : أبو معاذ has much to be proud ofأبو معاذ has much to be proud ofأبو معاذ has much to be proud ofأبو معاذ has much to be proud ofأبو معاذ has much to be proud ofأبو معاذ has much to be proud ofأبو معاذ has much to be proud ofأبو معاذ has much to be proud ofأبو معاذ has much to be proud ofأبو معاذ has much to be proud of
افتراضي رد: قصيدة تحكي على علامات القيامة

ما شاء الله



قمة الإبداع



جزاكم الله خيرا
رد مع اقتباس
  رقم المشاركة : ( 4 )  
قديم 2012-02-11
 

مشرفة منتدى علم النفس وتطوير الذات


 الأوسمة و جوائز
 بينات الاتصال بالعضو
 اخر مواضيع العضو

  عابر سبيل غير متواجد حالياً  
رقم العضوية : 8488
تاريخ التسجيل : Sep 2010
الدولة :
العمر :
الجنس :  female
مكان الإقامة :
عدد المشاركات : 6,394 [+]
عدد النقاط : 1236
قوة الترشيح : عابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud of
افتراضي رد: قصيدة تحكي على علامات القيامة

العلامات الكبرى:

أول علامة إمام الأئمة المهدي المنتظر مفكك لحزاب

وجامع الأمة كامل على كلمة ويحكم بالحق بالسنة ولكتاب

وثاني علامة لما يبان لعمى المسيح الدجال لعور الكذاب

وكان كل نبي جا لكل امة حذرهم منو ومن فعايلو لصعاب

يقول أنا رب الجنة وجهنامة انا هو ربكم رب السما والتراب

يوريلكم جهة خضرا فيها الما وجهة فيها النار وفيها لعذاب

ايلا شفت الجنة هاذيك جهنامة ويلا شفت النار العكس هو الصواب

يقتلك او يحييك وانت قولو ديما محال تكون ربي وانت ماشي شباب

لتما يزعف وتبان عليه كلمة مكتوبة فجبينو كفر الكذاب

واذا كنت كافر تولي كيفو عمى يفتنك أو يغويك أو يرميك للعذاب

ويبقى هكذاك يفتن فالأمة من مكان لمكان ويروح وين حاب

الا المدينة ومكة المكرمة ما يدخلّهمش ويوقف فالباب

ولتما تظهر ثالث علامة عيسى عليه السلام من أهل الكتاب

رافدينوا ملائكة مهبطينو مالسما عالصبح يحط رجليه فوق التراب

يفرحوا النصارة وتحكمهم الغمة كي يتبرأ منهم من القوم الصلاب

يقول أنا نازل من خير أمة أمة الاسلام ماشي أهل الكتاب

انتو الي صلبتوني وتهمتوا يما تهمتوا حتى ربي الرحيم التواب

الي راح يتوب عالامة المسلمة ونتوما يذوقكم أشد العقاب

لتم سيدنا عيسى يقتل لعمى المسيح الدجال لعور الكذاب

وينشر الخير وينشر الرحمة ودين الاسلام ما يخلّي حتى باب

ولتما تظهر رابع علامة يظهروا قوم بزاف صعاب

يأجوج و مأجوج أكثر أمة يخرجوا مالارض من تحت التراب

ياكلوا ليابسة ولخضرة والنعمة ياكلوا مجميع حاجة تنصاب

الاول يفوت على واد فيه الما والاخر كي يلحق يصيب غير التراب

ويجي للمسلمين آمر مالسما أهربوا للطور ما تبقاوش قراب

يهربوا للجبل ويتخباو لتما يدعيوا في ربي يخفف العذاب

يرسللهم ربي طيور مالسما تقتل هاذوك القوم الصعاب

تقذفهم بحجر ولحجرة مسومة بآسم مولاها وتطرحوا فالتراب

يهبطوا يلقاو جثثهم ملمومة تلقى وين تعفس آه يا من صاب

يدعيو الله الجثث تتنرمى ترفدهم الطيور لوين ربي حب

وتبقى من بعد ريحتهم والغمة ويدعي سيدنا عيسى ودعاه مستجاب

ربي سبحانو يبعثلهم غيمة تنظف الارض وتطهّر التراب

ينتاشر الخير والبركة والنعمة ويحكم سيدنا عيسى بالعدل الصواب

بالقرآن والسنة وينشر الرحمة وكل واحد يلقى كامل وش حاب

لتم سيدنا عيسى يكمل المهمة يموت كيما غيرو ويتندفن بالتراب

وتولي ريما لعادتها لقديمة الجهل والظلم ويتخلطوا لحساب

العلامة الخامسة دابة متكلمة جساسة تخرج من تحت التراب

تطبع عالناس وهي الخاتمة مسلم أو كافر وتغلق الباب

والعلامة السادسة ريح نسمة تهب أو تدي كل مطبوع أو تاب

وتخلّي الكفار يبقاو غير هوما ولتم بالذات الي يتنرفع لكتاب

يتنرفع العلم وتعم الظلمة السرقة والنهب وقطع الرقاب

ويعاودو يعبدوا الاصنام الصّما الّي ماتسمع ولا ترد جواب

اللاتي والعزة ومناة وكيما بكري يعبدوا كل ما ينصاب

يغضب الله والشمس لتّما تروح باش تسجد يردها مالباب

عودي من حيث اتيت والأمة يولوا سكارى من غير شراب

حتى المرضعة تدهل لتما في من رضعت أو ظنها خاب

ويلحق نهار قبل القيامة تشعل النار ولجمر لهاب

مأرض الحجاز وتلمهم الطامة تجمعهم كامل بعاد وقراب

في مكان واحد ومن بعد لتما يبان الهول والصوالح الصعاب

تتفجر الارض وتولي عايمة ويدان وبحور يخرجوا مالتراب

تريب لجبال وتنشق السما ويغضب الله واحنايا لسباب

تتزلزل الارض وتقوم القيامة ينفخ فالصور ونتقدموا للحساب



للامانة تأليف فيصل كرشوش
رد مع اقتباس
  رقم المشاركة : ( 5 )  
قديم 2012-02-11
 

 الأوسمة و جوائز
 بينات الاتصال بالعضو
 اخر مواضيع العضو

  belli غير متواجد حالياً  
رقم العضوية : 3093
تاريخ التسجيل : Dec 2009
الدولة :
العمر :
الجنس :  male
مكان الإقامة : blad miki...
عدد المشاركات : 2,929 [+]
عدد النقاط : 342
قوة الترشيح : belli محترفbelli محترفbelli محترفbelli محترف
افتراضي رد: قصيدة تحكي على علامات القيامة

....جزاك الله خيرا..............فعلا راقية....


مشكور............
رد مع اقتباس
  رقم المشاركة : ( 6 )  
قديم 2012-02-12
 

مشرفة منتدى علم النفس وتطوير الذات


 الأوسمة و جوائز
 بينات الاتصال بالعضو
 اخر مواضيع العضو

  عابر سبيل غير متواجد حالياً  
رقم العضوية : 8488
تاريخ التسجيل : Sep 2010
الدولة :
العمر :
الجنس :  female
مكان الإقامة :
عدد المشاركات : 6,394 [+]
عدد النقاط : 1236
قوة الترشيح : عابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud ofعابر سبيل has much to be proud of
افتراضي رد: قصيدة تحكي على علامات القيامة

السلام عليكم ورحمة الله وبركاته :


بـــارك الله فيـــكم اخـــوتي
رد مع اقتباس

مواقع النشر (المفضلة)



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

قصيدة تحكي على علامات القيامة



التعليقات المنشورة لا تعبر عن رأي منتدى شباب الجزائر ولا نتحمل أي مسؤولية قانونية حيال ذلك ويتحمل كاتبها مسؤولية النشر

الساعة الآن 09:25 AM

Powered by vBulletin® Version 3.8.7 .Copyright ©2000 - 2015, Jelsoft Enterprises Ltd
Search Engine Optimization by vBSEO ©2011, Crawlability, Inc.
Designed & Developed by shababdz.com
جميع الحقوق محفوظة ©2014, منتدى شباب الجزائر لكل العرب