منتديات شباب الجزائر

العودة   منتدى شباب الجزائر لكل العرب > الأقسام العامــة > منتدى الادبي

البارح كاسندرا .. اليوم مهند

الكلمات الدلالية (Tags)
مهند, الباري, الدول, كاسندرا
 
 
LinkBack أدوات الموضوع انواع عرض الموضوع
  رقم المشاركة : ( 1 )  
قديم 2009-10-06
 

 الأوسمة و جوائز
 بينات الاتصال بالعضو
 اخر مواضيع العضو

  مولود حداد غير متواجد حالياً  
رقم العضوية : 1727
تاريخ التسجيل : Sep 2009
الدولة :
العمر :
الجنس :  male
مكان الإقامة : الجزائر العاصمة
عدد المشاركات : 14 [+]
عدد النقاط : 37
قوة الترشيح : مولود حداد يستحق التمييز
افتراضي البارح كاسندرا .. اليوم مهند

السلام عليكم ورحمة الله

طلب مني أحدهم في اواخر الصيف الماضي ان اكتب عن ظاهرة المسلسلات التركية وأثرها على الشباب، فكانت مني هذه القصيدة حاولت ربطها بأحداث تزامنت معها، والتي صدرت في الديوان الثالث "الزمان الصعيب".


حَكْمَتْنِي الدُّوخَة رَاسِي رَاهْ يْدُورْ *** مَاقْدَرْتْ نُوقَفْ رَاحْ نْطِيحْ

صَرْتْ كَاللِّي رَاكَبْ بَابُورْ *** شْرَاعُو مْحَطْمَة ادَّاهْ الرِّيحْ

مَنْ هُولْ مَا شَفْتْ فَشْبَابْنَا المَقْهُورْ*** شَفْتْ كَوَارَثْ فَضْحَتْنَا فْضِيحْ

بَالغَرْبْ مَتْأَثَّرْ بَالأَجْنَبِي مَبْهُورْ *** صَارْ يَتْقَادْلُو بَالشَّكْلْ الصَّرِيحْ

القَلْبْ خَاوِي وْلَفْرَاغْ دُسْتُورْ *** وَاللِّي يْجِي يْؤَثَّرْ وَيْؤَثَّرْ مْلِيحْ

لَلْبَارَابُولْ وَلَّى العَبْدْ المَأْمُورْ *** عَبْدْ المُسَلْسَلاَتْ وَالشِّي لَقْبِيحْ

البَارَحْ كَاسَنْدْرَا وَاليُومْ الدُّورْ *** عَالسِّي مُهَنَّدْ وْمَا عَنْدِي تَجْرِيحْ

دَارْ فَبْنَاتْنَا مْعَ الأُخْتْ نُورْ ***حَالَة وْسْلَبْ عْقُولْهُمْ بْلاَ تَصْرِيحْ






مَانِيشْ حَابْ نَتْطَرَّقْ ** لْظَاهِرَة المُسَلْسَلاَتْ التُّرْكِيَّة

وَالإِنْسَانْ يْقُولْ الحَقْ *** مُمْكِنْ مَانِيشْ مُطَّلِعْ عْلَى هَاذْ القَضِيَّة

لَكِنِّي حَابْ نَلْحَقْ*** لْكِبَرْ الشُّحْنَة العَاطِفِيَّة

اللِّي رَاهِي فْلَقْلُوبْ تَخْفَقْ*** وْصَارَتْ جَارَّة الكُلْ وَادَّايَة

وَالدَّلِيلْ الأَمْرْ اللِّي شْوِيَة سْبَقْ*** نْهَارْ جَا لَلْقَاعَة البَيْضَاوِيَة

تَامَرْ حُسْنِي ذَاكْ النَّاعَقْ*** وْلَبْنَاتْ غَمْرُوهْ بْلَعْطِيَة

طَيْشُوا الذْهَبْ وَالكُلْ تْصَدَّقْ*** صَدَقَة عَبَثْ مَاهِي جَارِيَة

وَالمَخْلُوقْ دَاهَشْ مَاهُو مْصَدَّقْ *** لَهْبَالْ فَاقْ مْيَة بَالمْيَة

جَا عْلَى هَدَفْ عَشْرَة حَقَّقْ ***مَلاَيِيرْ رَاحَتْ بْهَاذْ الكَيْفِيَة






أَنَا وَشْ رَانِي نْفَكَّر *** لُوكَان تَتْوَجَّه هَاذْ العَاطِفَة لُوكَانْ

وَالله غِيرْ الإِسْلاَمْ يَتَنْصَرْ*** وْمَا يْعُودْ يَحْكُمْ فِينَا مَرِيكَانْ

وَيْعُودْ عَهْدْ صَلاَحْ وْعُمَرْ *** وْحَالْنَا يَتْنَصْلَحْ بَكْتَابْ القُرْآنْ

وْتَتْنَرْفَعْ رَايَة الله أَكْبَرْ *** وَيْسُودْ الحَقْ فِي كُلْ مْكَانْ




تَتْوَجَّّّهْ بَاشْ نْعَاوْنُو *** خَاوَتْنَا المَتْحَاصْرِين فِي غَزَّة

الأَطْفَال اللِّي رَاهُم يْعَانُوا*** مَحْرُومِين مَالأَكْلْ وَالخُبْزَة

لَكِنْهُم صَامْدِينْ مَاهَانُوا *** رَاضْعِينْ ثَقاَفَة العِزَّة

وِيذَا حَرْمُوهُم مَالنُّور اللِّي تْصَهَينُوا*** أَنْوَار الإيمَان فَقْلُوبْهُم بَارْزَة



وْيَبْقَى الشِّي المَلْمُوس *** أَنُّو تْكُون القَضِيَّة

دِيمَا فِي نُفُوسْ *** وَاصْحَابْ القُلُوبْ الحَيَّة

وِيذَا الطَالَبْ غْرَق فَالكُوس *** وْمَشَاكَل الإقَامَة الجَامِعِيَّة

قَال مَن بَن عكنون لَبْني مسوس *** وْمَن دَالِي بْرَاهِيمْ لَلْعَالْيَة

تَمَّا كَبَّر رَبْعَة وْقُولْ مَيْئُوسْ *** وَالقُدْسْ وَلَّات صَهْيُونِيَّة





نْزِيدْ نَفْتَحْ قُوسْ وْنَعْتَذَرْ *** لَمَّا شَبَّهْتْ هَذِيكْ بْأَخَوَاتْنَا

أَخَوَاتْنَا الصْفَا وَالقَلْبْ الطَّاهَرْ *** العَفَافْ وَالتُّقَى مَاهُمْ نْتَاعْ فَتْنَة

مَتْحَجْبَاتْ مْنَوْرَاتْ بْعِيدَاتْ عَالشَّرْ*** كُلْ وَحْدَة فِيهُم لَلشَّرَفْ صَايْنَة

هَذُوكْ حُورِيَّاتْ الوَقْتْ الحَاضَرْ *** وَالحُورْ العِينْ لَلصَّالْحِين فَالجَنَّة


اللهم اهدنا واهد شبابنا
القصيدة صوتية من هنا


رد مع اقتباس
اعلانات
 
  رقم المشاركة : ( 2 )  
قديم 2009-10-06
 

 الأوسمة و جوائز
 بينات الاتصال بالعضو
 اخر مواضيع العضو

  سلمى الجزايرية غير متواجد حالياً  
رقم العضوية : 848
تاريخ التسجيل : May 2009
الدولة :
العمر :
الجنس :  female
مكان الإقامة : في قلب كل من يحبني
عدد المشاركات : 2,009 [+]
عدد النقاط : 198
قوة الترشيح : سلمى الجزايرية مبدعسلمى الجزايرية مبدع
افتراضي رد: البارح كاسندرا .. اليوم مهند

الله يباااااااااااااااااااااااااااااااااااااااااارك
رووووووووووووووووووعة , يعطيك الصحة يا مولود غلى لقصيدة الهايلة والله غير صاح ....
رد مع اقتباس
  رقم المشاركة : ( 3 )  
قديم 2009-10-06
 

 الأوسمة و جوائز
 بينات الاتصال بالعضو
 اخر مواضيع العضو

  سفيرة الجزائر غير متواجد حالياً  
رقم العضوية : 30
تاريخ التسجيل : Oct 2008
الدولة :
العمر :
الجنس :  female
مكان الإقامة : мādḝ ΐη āĻgë®ĭā
عدد المشاركات : 4,141 [+]
عدد النقاط : 427
قوة الترشيح : سفيرة الجزائر محترف الابداعسفيرة الجزائر محترف الابداعسفيرة الجزائر محترف الابداعسفيرة الجزائر محترف الابداعسفيرة الجزائر محترف الابداع
افتراضي رد: البارح كاسندرا .. اليوم مهند

وعليكم السلام ورحمة الله وبركاته


هذا هو واقع شبابنـاوالمسلسلات التركية التي سلبت عقولهم..
قصيدة لا تـقل روعـة عن سابقتها ..~
سلمت يمناك وسـلم قلمك النابض

كلنا شوق لرؤية جديدك
على صفحات منتدى شباب الجزائر
وٌدي وتقديري
رد مع اقتباس
  رقم المشاركة : ( 4 )  
قديم 2009-10-06
 


مرشح بكالوريا 2010


 الأوسمة و جوائز
 بينات الاتصال بالعضو
 اخر مواضيع العضو

  نرمين18 غير متواجد حالياً  
رقم العضوية : 1262
تاريخ التسجيل : Aug 2009
الدولة :
العمر :
الجنس :  female
مكان الإقامة : مستغانم
عدد المشاركات : 458 [+]
عدد النقاط : 100
قوة الترشيح : نرمين18 مبدعنرمين18 مبدع
افتراضي رد: البارح كاسندرا .. اليوم مهند

ههههه
بارك الله فيك اخي مولود......
رد مع اقتباس
  رقم المشاركة : ( 5 )  
قديم 2009-10-06
 

 الأوسمة و جوائز
 بينات الاتصال بالعضو
 اخر مواضيع العضو

  مولود حداد غير متواجد حالياً  
رقم العضوية : 1727
تاريخ التسجيل : Sep 2009
الدولة :
العمر :
الجنس :  male
مكان الإقامة : الجزائر العاصمة
عدد المشاركات : 14 [+]
عدد النقاط : 37
قوة الترشيح : مولود حداد يستحق التمييز
افتراضي رد: البارح كاسندرا .. اليوم مهند

السلام عليكم ورحمة الله
مشكورين على المتابعة وترقبوا الجديد المتجدد إن شاء الله
نتمنى ان نقدم مايرضي ربنا أولا وما يرقى لمستوى أذواقكم
موفقات
رد مع اقتباس

مواقع النشر (المفضلة)



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

البارح كاسندرا .. اليوم مهند



التعليقات المنشورة لا تعبر عن رأي منتدى شباب الجزائر ولا نتحمل أي مسؤولية قانونية حيال ذلك ويتحمل كاتبها مسؤولية النشر

الساعة الآن 01:43 PM

Powered by vBulletin® Version 3.8.7 .Copyright ©2000 - 2015, Jelsoft Enterprises Ltd
Search Engine Optimization by vBSEO ©2011, Crawlability, Inc.
Designed & Developed by shababdz.com
جميع الحقوق محفوظة ©2014, منتدى شباب الجزائر لكل العرب