منتديات شباب الجزائر

العودة   منتدى شباب الجزائر لكل العرب > الأقسام العامــة > منتدى الادبي

المرض الصعيب

الكلمات الدلالية (Tags)
الأرض, الصعيب
 
 
LinkBack أدوات الموضوع انواع عرض الموضوع
  رقم المشاركة : ( 1 )  
قديم 2009-10-06
 

 الأوسمة و جوائز
 بينات الاتصال بالعضو
 اخر مواضيع العضو

  مولود حداد غير متواجد حالياً  
رقم العضوية : 1727
تاريخ التسجيل : Sep 2009
الدولة :
العمر :
الجنس :  male
مكان الإقامة : الجزائر العاصمة
عدد المشاركات : 14 [+]
عدد النقاط : 37
قوة الترشيح : مولود حداد يستحق التمييز
افتراضي المرض الصعيب

السلام عليكم

جئتكم اليوم بقصيدة" المرض الصعيب "باللهجة الجزائرية كثاني مشاركة وهي قصيدة اجتماعية على شكل قصصي تتكلم عن الحب والزواج وغلاء المهور و....صدرت في القرص المضغوط الأول الذي أصدرته بعنوان "الزمان الصعيب"

جَانِي مَرْضْ صْعِيب **** وْطَحْتْ فْرَاشْ ايَّامَات
مَا نْفَعْنِي قُولْ الطْبِيبْ **** وَلاَ نَوْضُونِي ذُوكْ الدْوَاوَات
اللِّي يْحَوَّسْ يَفْهَمْ يْخِيبْ **** وْمَا فَهْمُو فِيَّا العَلاَمَات
الوَجْهْ مَصْفَارْ وْشْحِيبْ **** وْلاَ تُونْسْيُون سِيسْ،سَات (6.7) (la tension)


جَا بَابَا وَثْرَنْ مْجَرَّبْ **** قَالِّي يَا وْلِيدِي عَنْدِي إِحْسَاسْ
هَذِي حَاجَة ضَرْبَتْ فَالقَلْبْ **** وْعَنْدَكْ رَسْمِي السَتْرَاسْ
قُل لِي شْكُونْ اللِّي رَاكْ تْحَبْ **** وَعْطِينِي إِكْزَاكْتْ لاَدْرَاسْ
نْرُوحُو نْشَاالله تَخْطُبْ **** وَتْوَلِّي كِي بَكْرِي لابَاسْ


قـُتْلُو يَالشِيخْ وَالله غِير هِيَ **** وْهَاذْ الشِّي اللِّي مْتَعَبْنِي
شَفْتْ نْهَارْ وَاحَدْ لَبْنِيَة **** حُبْهَا طْغَى عْلِيَّ وْغْلَبْنِي
مَاعْلاَبَالِيش وَاشْ بِيَّا **** خْيَالْهَا دِيمَا مْتَبَعْنِ
يوَقِيلاَ يَلْزَمْنِي رُقْيَة **** الشِيخْ الحْسِينِي يْرِيقْلِينِي
مَرَّاتْ نْقُولْ نْدِيرْ النِّيَة **** نَخْطُبْهَا وْخَطْرَاتْ نْقُولْ خَلِّينِي
وَالشِّي الأَسَاسِي فَالقَضِيَّة **** مَا نَعْرَفْ إذَا الشُّعُورْ تْبَادَلْنِي
هَذِي هِيَ الوَضْعِيَّة **** وْهَذَا التَّخْمَامْ اللِّي مَرَضْنِي


قَالُّو يَا وْلِيدِي شُوفُهَا **** مْلِيحْ وْشُوفْ قْبَلْ نْتَ رُوحَك
إذَا عْزَمْتْ رُوحْ اسْألْهَا **** قـُولْهَا هَلْ نَقـْدَرْ نْجِي لأَهْلَكْ
الفَامِيلْيَا نْتَاعِي نْجِيبْهَا **** بَاشْ نْشَالله نَخُطْبَكْ
وَالحَاجَة خِير رَبِّي يَكْتَبْهَا **** وْكِي تَسْتَخِير شِي مَا يْضُرَّكْ


السَّيَّدْ تَمْ تَمْ صْحَا **** تْقـُولْ مَاكَانْ عَيَّانْ
وَجْهُو تْنَوَّرْ مَالفَرْحَة **** بَعْدْ الكَدْرَة وَلَّى زَهْوَانْ
وَكَأنـُّو مَاادَّى ذِيكْ الطِّيحَة **** وْمَاكَانْ مَهْمُومْ وْدِيخَانْ
قَالـُّو يَابَابَا يَعْطِيكْ الصَّحَة **** وْكِيفَكْ مَا خَرَّجْ هَاذْ الزْمَانْ


رَاحْ لِيهَا كَلَّمْهَا **** وْهُوَ شْوِيَة حَاشَ
مْيَابَنْتْ النَّاسْ قَالْهَا **** رَانِي حَابْ لِيكْ نَتْقَدَّمْ
عْلَى سُنَّة سِيدْنَا طَهَ **** وَقْتَاشْ نْجِي لْدَارْكُم
وَالمُفَاجَأة هِيَ أنْهَا **** كَانَتْ بِيهْ تَانِي تًَحْلَمْ
مَنْ شُوقْهَا قَاتْلُو اليُومْ وَلاَّ خَلِّيهَا **** حَتَّى مْعَ دَارْنَا نَتْكَلَّمْ
وْكِي قَالَتْ لْبَابَاهَا **** قَالْهَا مَاعْلِيشْ مَرْحْبَا بِيهُمْ


جَاوْ لَلدَّارْ وْقَالُو **** جِينَاكُمْ بَلَحْسَبْ وَالنْسَبْ
رَانَا مَنْكُمْ نَأَمْلُو **** وْلِيدْنَا فِي بَنْتْكُمْ رَاغَبْ
نَتْمَنَّاوْ نْشَالله تَقَبْلُو **** وْتَعْطِيوْلُو مَا طْلَبْ

سَأْلُو وَاشْ الخَدْمَة **** طْبِيبْ مُهَنْدَسْ وَلاَّ طَيَّارْ
وَالدْرَاهَمْ يَا دْرَى كَشْمَا **** وَالسُّكْنَى كِيفَاهْ الدَّارْ
بَنْتْنَا لاَزَمْ تْعِيشْ مْكَرْمَة **** وَحْنَا عَايْلَة مَلَكْبَارْ
لاَزَمْ تْعِيشْ فِي فِيلاَ **** تْطُلْ عَلَبْحَر النْسِيمْ تْشَمُّو
وَالطـُومُوبِيلْ مَرْسِيدَاسْ كَحْلَة **** وَالمَفْتَاحْ هِيَ اللِّي تَحَكْمُو
البَارُورْ لَحْزَامْ وَالسََنْسْلَة **** 18 كَارَا بَاشْ نَتْفَاهْمُو
وْحَاذْرُولـْنَا عْلَى يَدِّينْ الطُفـْلَة **** وَالبِيتْ كَثْرُو مَنْ خُدَّامُو
الكْنِيسْ وَالمْسِيحْ وَالشْغُلْ لالا **** َووْلِيدْكُم مَا يْمَشِّي عْلِيهَا حْكَامُو
وْفَاسْبَانْيَا تْجَوَّزْ العُطْلَة **** مَصَرْ وْتُونَسْ بْلاَيَصْ قْدَامُو
هَذِي هِيَ شْرُوطْنَا كَامْلَة **** وْعَنْدْكُمْ الوَقْتْ بَاشْ تْخَمْمُوا



قـَالـُو وْلِيدْنَا طَالَبْ دَارْيَارْ آنِي **** وْكِي يَتْخَرَّجْ يَخْدَمْ مُحَامِي
وْعَنْدْنَا تْرَابْ ذُرْكْ يَبْدَا يَبْنِي **** لَكَّنْ دُومَاجْ مَا عَنْدُوشْ البَارْمِي
تـَلْقَاوْ فِيه الإنْسَانْ الحَقَّانِي **** بْدِينُو مَتْمَسَّكْ مَحْتَمِي
نْطَقْ هُوَ قَالْ فِي عِينِي **** نْحُطْهَا بَنْتَكْ يَا عَمِّي



تـْنَهَّدْ بَابَاهَا بَالزَّفْرَة وْقَالْ **** يَا فْلاَنْ رُوحْ مَازَالَكْ صْغِي
رْالزْوَاجْ للنَّاسْ الرْجَالْ **** اللِّي تَعْرَفْ فَالدَّنْيَا تْسِيرْ
الآنْ مَاشِي الأَخْلاَقْ المَالْ **** اللِّي تْخَلِّيكْ وَشْ تْحَبْ تْدِيرْ
رَانَا رَافْضِين وْبَنْتْنَا مُحَالْ **** بَعْدْ العَزْ تْرُوحْ لَلحْصِيرْ



الوْلَدْ تْحَطَّمْ يَبْسُو رَجْلِيهْ **** وَالطَّفْلَة ثَارَتْ فِي وَجْهْ بَابَاهَا
قَاتْلُو حْرَامْ عْلِيكْ إِيهْ **** وْفَكْرَاتُو فِي فَقْرُو وْغْنَا يَامَاهَا
قَاتْلُو غِيرْ هَذَا اللِّي نَقْبَلْ بِيهْ **** وَحَاجَة اخْرَى مَا نَرْضَاهَا
قَالْهَا إذَا صَمَمْتِي وْرَاسَكْ رْكَبْتِيهْ **** الأُبُوَّة نْتَاعِي مَنَّكْ نَنْزَعْهَا



قـَعْدَتْ تَنْدَبْ حَظْهَا تَبْكِيهْ **** وَتَشْكِي لَلرَّحْمَانْ حَالْهَا
وْصَاحَبْ دَعْوَتْهَا سَقْسَاتْ عْلِيهْ **** لْقَاتُو هْبَلْ كْوَارْطُو دْفَعْهَا
مَا يْجِيبْ حَدْ يْعَيْطْلُو يْنَادِيهْ **** حْوَايْجُو فَالطْرِيقْ يْقَطَّعْهَا
يَتْحَسَّرْ عَالوَضْعْ اللِّي وْصَلْ لِيهْ **** سْمَحْ فْرُوحُو الدَّنيَا كْرَهْهَا



قـَالْ لْهَاذْ الدَّرَجَة وَلاَّتْ المَادَّة **** تْأَثَّرْ عْلَى حْيَاة العِبَادْ
لُوكَانْ عْرَفْتْ الدَّنيَا هَكْدَا **** نَعْيَا عَالدْرَاهَمْ مَانْشُوفْ رْقَادْ
كِيفَاهْ المْرَفَّهْ إذَا قَالْ أدَّا **** وَانَا مَا قْدَرْتْ نَدِّي سُعَادْ


أكيد أنو يغيض .. صح .. نكمل



إيهْ هَذَا حَرْمُوهْ مَنْ طُفْلَة **** مَابَالَك اللِّي يَحَرْمُوه مَالجَنَّة
غُدْوَا كِي يُوقَفْ قُدَّامْ المُولَى **** وْكْتَابُو بَالشْمَالْ يَقْرَاه مُو بَاليُمْنَى
وَشْ رَاحْ تْكُونْ تَمَّا الحَالَة **** وْوَضْعِيَّة السِّي خُونَا



يْقُولْ لُوكَانْ كُنْتْ نَدْرِي **** أَنُّو المِعْيَارْ العَمَلْ الصَّالَحْ
نَجْعَل قُولْ الخِيرْ ذَكْرِي **** نَجْتَهَدْ المُسْتَطَاعْ مَا نْرَيَّّحْ
نَعْمَلْ لُمَا يْنَجِّينِي فِي قَبْرِي **** وْفجَمْعْ الحَسَنَاتْ مَا نَسْمَحْ



أَيَّا حْنَا مَادَامْ عْرَفْنَا **** وَالوَقْتْ عْلِينَا مَازَالْ مَا فَاتْ
نَعَلْنُو لله لَكْرِيمْ تُوبَتْنَا **** مَنْ وَشْ دَرْنَا صْغِيرْ وْمُوبِقَاتْ
نَبْدَاوْ بَالشِّي اللَّوَّلْ اللِّي يَسْأَلْنَا **** الله الله يَا خُوتِي فَالصَّلاَة
وَاذَا حُسْنْ الخَاتِمَة تْمَثَّلْنَا **** بِينْ الأَعْيُنْ يَرْزُقْنَا النَّجَاة


القصيدة صوتية من هنا

img]http://www.nojoomcirta.com/upload//uploads/files/nojoomcirta.com-f180f7754e.mp3[/img]


موفقين
رد مع اقتباس
اعلانات
 
  رقم المشاركة : ( 2 )  
قديم 2009-10-06
 

 الأوسمة و جوائز
 بينات الاتصال بالعضو
 اخر مواضيع العضو

  سلمى الجزايرية غير متواجد حالياً  
رقم العضوية : 848
تاريخ التسجيل : May 2009
الدولة :
العمر :
الجنس :  female
مكان الإقامة : في قلب كل من يحبني
عدد المشاركات : 2,009 [+]
عدد النقاط : 198
قوة الترشيح : سلمى الجزايرية مبدعسلمى الجزايرية مبدع
افتراضي رد: المرض الصعيب

يعطيك الصحة
القصيدة رووووعة سورتو كي أنا نحب الشعر بزاااف ونحب اللهجة الجزائرية .....
بزاااااااااااااااااااف هايلة .. نتمناو تكتبنا أشعار وحدوخرين ..
رد مع اقتباس
  رقم المشاركة : ( 3 )  
قديم 2009-10-06
 

 الأوسمة و جوائز
 بينات الاتصال بالعضو
 اخر مواضيع العضو

  بشرى غير متواجد حالياً  
رقم العضوية : 485
تاريخ التسجيل : Mar 2009
الدولة :
العمر :
الجنس :  female
مكان الإقامة : tiaret
عدد المشاركات : 2,670 [+]
عدد النقاط : 641
قوة الترشيح : بشرى is a name known to allبشرى is a name known to allبشرى is a name known to allبشرى is a name known to allبشرى is a name known to allبشرى is a name known to all
افتراضي رد: المرض الصعيب

السلام عليكم و رحمة الله تعالى و بركاته

شكراااا لكــ اخي على هذا الشعر الرائع و المميز لانه باللهجتنا

بـــــــــــــــــــاركـ الله فيكـ ننتظر منكـ المزيد
رد مع اقتباس
  رقم المشاركة : ( 4 )  
قديم 2009-10-06
 

 الأوسمة و جوائز
 بينات الاتصال بالعضو
 اخر مواضيع العضو

  سفيرة الجزائر غير متواجد حالياً  
رقم العضوية : 30
تاريخ التسجيل : Oct 2008
الدولة :
العمر :
الجنس :  female
مكان الإقامة : мādḝ ΐη āĻgë®ĭā
عدد المشاركات : 4,141 [+]
عدد النقاط : 427
قوة الترشيح : سفيرة الجزائر محترف الابداعسفيرة الجزائر محترف الابداعسفيرة الجزائر محترف الابداعسفيرة الجزائر محترف الابداعسفيرة الجزائر محترف الابداع
افتراضي رد: المرض الصعيب

وعليكم السلام ورحمة الله تعالى وبركاته

قصيدة رائعة ومميزة
خاصة وأنها تترجم واقع مجتمعنا الجزائري
جميل جدا هو نبض قلمك
تهانينا بوجود كاتب مثلك في منتدانا
سررت بالمرور من هناآ...~


ننتظر جديدك بكل شوق
رد مع اقتباس
  رقم المشاركة : ( 5 )  
قديم 2009-10-06
 


مرشح بكالوريا 2010


 الأوسمة و جوائز
 بينات الاتصال بالعضو
 اخر مواضيع العضو

  نرمين18 غير متواجد حالياً  
رقم العضوية : 1262
تاريخ التسجيل : Aug 2009
الدولة :
العمر :
الجنس :  female
مكان الإقامة : مستغانم
عدد المشاركات : 458 [+]
عدد النقاط : 100
قوة الترشيح : نرمين18 مبدعنرمين18 مبدع
افتراضي رد: المرض الصعيب

ههههههه
شعر رائع...بارك الله فيك اخي.........
مشكوووووووووووووور
رد مع اقتباس
  رقم المشاركة : ( 6 )  
قديم 2009-10-06
 

 الأوسمة و جوائز
 بينات الاتصال بالعضو
 اخر مواضيع العضو

  مولود حداد غير متواجد حالياً  
رقم العضوية : 1727
تاريخ التسجيل : Sep 2009
الدولة :
العمر :
الجنس :  male
مكان الإقامة : الجزائر العاصمة
عدد المشاركات : 14 [+]
عدد النقاط : 37
قوة الترشيح : مولود حداد يستحق التمييز
افتراضي رد: المرض الصعيب

السلام عليكم
بتشجيعكم سنستمر إن شاء الله
برجاء سماع القصائد صوتا فهي أحسن بكثير
بالتوفيق إن شاء الله
رد مع اقتباس

مواقع النشر (المفضلة)



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

المرض الصعيب



التعليقات المنشورة لا تعبر عن رأي منتدى شباب الجزائر ولا نتحمل أي مسؤولية قانونية حيال ذلك ويتحمل كاتبها مسؤولية النشر

الساعة الآن 04:01 PM

Powered by vBulletin® Version 3.8.7 .Copyright ©2000 - 2015, Jelsoft Enterprises Ltd
Search Engine Optimization by vBSEO ©2011, Crawlability, Inc.
Designed & Developed by shababdz.com
جميع الحقوق محفوظة ©2014, منتدى شباب الجزائر لكل العرب