إضافة رد
 
LinkBack أدوات الموضوع انواع عرض الموضوع
  رقم المشاركة : ( 1 )  
قديم 2009-10-07
 

 الأوسمة و جوائز
 بينات الاتصال بالعضو
 اخر مواضيع العضو

  مولود حداد غير متواجد حالياً  
رقم العضوية : 1727
تاريخ التسجيل : Sep 2009
الدولة :
العمر :
الجنس :  male
مكان الإقامة : الجزائر العاصمة
عدد المشاركات : 14 [+]
عدد النقاط : 37
قوة الترشيح : مولود حداد يستحق التمييز
افتراضي الحاجة دارت النية

السلام عليكم ورحمة الله

هذه قصيدة كتبتها وألقيتها في حفل لتكريم أمهاتنا المتمدرسات في قسم محو الأمية في بلدية بئرالخادم بالعاصمة. وقد تبدو بعض الأبيات غير متناسقة شكلا لكن بالصوت كل شئ مضبوط والحمد لله.



الحَاجَّة دَارَتْ النِّيَة *** وْقـََالَتْ نَقْرَا بَاللِّي كَايَنْ
أنَا القَعْدَة مَاهِي لِيَا *** الكْنِيسْ وْغْسِيلْ لُومَاعَنْ
صَحْ مَا عَلْمُونِيشْ وَالْدِيَا *** خَاطَرْكَانُو مَايَعَرْفُوشْ مْسَاكَنْ
عَزْمَتْ تَدْخُلْ لْمَحْوْ الأُمِّيَة *** نْتَاعْ الشِّهَابْ بَاشْ تَتْمَكَّنْ

دَخْلَتْ اليُومْ اللَّوَلْ *** وَبْدَاتْ فَالنْسَا تْشُوفْ
فِي رُوحْهَا قَاعْدَة تَسْأَلْ *** رَايْحِينْ يْقَرِّيوْنَا الحُرُوفْ؟
وْهَاذُو مْنِينْ جَاوْ كَامَلْ *** وَعْلَى كْبَرْنَا يْمَشِّيوْنَا فَصْفُوفْ
وَالشِّيخْ مْرَا وَلاَّ رَاجَلْ *** حْنَا الحَشْمَة فِينَا وَالخُوفْ

المُهِمْ بْدَاتْ الحِصَّة *** بَ بُو تَ تِي
عَ رَ لَ صَ *** أُمِّي تَحْلُبُ البَقَرَةِ
وْهِيَ حَاسَّة حَاجَة خَاصَّة *** نْوَاظْرِي وَالشِّيخَة تْقُولْهَا نَظَّارَتِي
قـَالَتَلْهَا مَانِيشْ اللِّي تَتْوَصَّى *** حْنَا قْرِينَا بَكْرِي يَا بَنْتِي

وَاشْنُو عَشْنَا حْيَاة مُرَّة *** وَفْرَنْسَا كِي جَاتْ جَهْلَتْنَا
شْحَالْ خْدَمْنَا فَالثَّورَة *** مْعَ ذُوكْ الرْجَالْ خَاوَتْنَا
نَخَبْزُوا وَنْطَيْبُوا الكَسْرَة *** صَحْ مَاقْرِينَاشْ لَكَنْ خَرَّجْنَا
المُهَنْدَسْ الطْبِيبْ وَالدُكْتُورَة *** بْدْعَاوِينَا الحِرصْ وَسْهَرْنَا

هنا انتهت القصيدة وهذه مقطوفات فقط

أولا: لما الأستاذة تتأخر والعجايز يقعدوا يستناو هذا حوار بين عجوزتين

وَاشْ رَاكِي لاَبَاسْ مْهَنْيَة؟ *** كِي سَمَّاكْ الله يَا مَخْلُوقَة
وِينْ تَسُكْنِي؟ قَالَتَلْهَا وَرْدِيَة *** وْنَسْكُن فَالعَافْيَة فْذِيكْ الزَّنْقَة
إيهْ رَاكِي قُدَّامْ حْبِيبْتِي زَهِيَّة *** حَقَّا وْكِيفَاشْ بَنْتْهَا عَتِيقَة
قَالَتَلْهَا مَا سْمَعْتِيشْ الكَيَّة؟ *** يَاخِي وَلاَّتْ مْتَلْقَة (مطلقة)
خَلاَّهَا بْزُوجْ وَالتَالتَة جَايَّة *** رَاهِي وَشْ نْقُولَّكْ فِي ضِيقَة

الحاجة لمّا تروح للدار وش تقول لوليدها
يَا وْلِيدِي الله يْقَوِّيلَكْ الشَّانْ *** لُوكَانْ تَشْرِيلِي بُوسْتْ كَاسَاتْ
نَسْمَعْ وْنَتْعَلَّمْ مْلِيحْ القُرْآنْ *** وْنَحْفَظْ شْوِيَّة مَنُّو آيَاتْ
بَاشْ نْجِي اللَّولَى فَالاَمْتِحَانْ *** وْنفُوتْ هَذِيكْ يَمَّاتْ حَيَاة
وَيَعْطِيوْنِي سَرْفِيسْ مَزْيَانْ *** وْبَالاَكْ يْزِيدُولِي كَادُووَاتْ (هدايا).


القصيدة صوتية من هنا


رد مع اقتباس
اعلانات
 
  رقم المشاركة : ( 2 )  
قديم 2009-10-07
 

 الأوسمة و جوائز
 بينات الاتصال بالعضو
 اخر مواضيع العضو

  سلمى الجزايرية غير متواجد حالياً  
رقم العضوية : 848
تاريخ التسجيل : May 2009
الدولة :
العمر :
الجنس :  female
مكان الإقامة : في قلب كل من يحبني
عدد المشاركات : 2,009 [+]
عدد النقاط : 47
قوة الترشيح : سلمى الجزايرية يستحق التمييز
افتراضي رد: الحاجة دارت النية

من أروع ماسمعته
vغيمو يا مولود هايلة بزااف , مقدرتش نعبرلك شحال هايلة و شحال عجبتني القصيدة ..
نتمنالك المزيد من التفوق ...
ومتحرمناش من قصايدك الفووووووووور
رد مع اقتباس
  رقم المشاركة : ( 3 )  
قديم 2009-10-07
 

 الأوسمة و جوائز
 بينات الاتصال بالعضو
 اخر مواضيع العضو

  مولود حداد غير متواجد حالياً  
رقم العضوية : 1727
تاريخ التسجيل : Sep 2009
الدولة :
العمر :
الجنس :  male
مكان الإقامة : الجزائر العاصمة
عدد المشاركات : 14 [+]
عدد النقاط : 37
قوة الترشيح : مولود حداد يستحق التمييز
افتراضي رد: الحاجة دارت النية

السلام عليكم
الأخت سلمى احيي فيك نشاطك الكبير في المنتدى وعلى التشجيع
ترقبي المزيد من القصائد إن شاء الله كتابة وصوتا إن شاء الله
موفقة ودمت متألقة
رد مع اقتباس
  رقم المشاركة : ( 4 )  
قديم 2009-10-18
 

 الأوسمة و جوائز
 بينات الاتصال بالعضو
 اخر مواضيع العضو

  سفيرة الجزائر غير متواجد حالياً  
رقم العضوية : 30
تاريخ التسجيل : Oct 2008
الدولة :
العمر :
الجنس :  female
مكان الإقامة : мādḝ ΐη āĻgë®ĭā
عدد المشاركات : 4,141 [+]
عدد النقاط : 78
قوة الترشيح : سفيرة الجزائر يستحق التمييز
افتراضي رد: الحاجة دارت النية

السلام عليكم ورحمة الله وبركاته


مشكور أخ مولود على الكلمات الرائعة والإلتفاتة الطيبة منك للأمهات
فطلب العلم لا يرتبط بالسن ولا بالوقت
لا تحرمنا جديدك الذي نحن في شوق إليه

دمت ودام نبض قلمك
تقبل ردي ورحيق وردي

رد مع اقتباس
  رقم المشاركة : ( 5 )  
قديم 2009-10-19
 

 الأوسمة و جوائز
 بينات الاتصال بالعضو
 اخر مواضيع العضو

  EsPaDa غير متواجد حالياً  
رقم العضوية : 286
تاريخ التسجيل : Jan 2009
الدولة :
العمر :
الجنس :  male
مكان الإقامة : in my heart
عدد المشاركات : 241 [+]
عدد النقاط : 20
قوة الترشيح : EsPaDa يستحق التمييز
افتراضي رد: الحاجة دارت النية

يا أخي راك شاعر و انا ماعلاباليش؟
بدون مجاملة قصيدة روعة و تقديم أروع
عجبتني لزاف
يعطيك الصحة خويا
رد مع اقتباس
إضافة رد

مواقع النشر (المفضلة)

الكلمات الدلالية (Tags)
الحادث, النية, يارب


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 06:15 PM


Powered by vBulletin® Version 3.8.7 .Copyright ©2000 - 2015, Jelsoft Enterprises Ltd

Search Engine Optimization by vBSEO ©2011, Crawlability, Inc.