منتديات شباب الجزائر

العودة   منتدى شباب الجزائر لكل العرب > أقسام الشريعة الإسلامية > منتدى الدين الاسلامي الحنيف

منتدى الدين الاسلامي الحنيف [خاص] بديننا الحنيف على مذهب أهل السنة والجماعة...

۝۝ ░: سلسلة :░(())( مبـــــروووك ... جــالك قــلب )(())░:░۝۝

الكلمات الدلالية (Tags)
مبـــــروووك, جــالك, سلسلة, قــلب
 
 
LinkBack أدوات الموضوع انواع عرض الموضوع
  رقم المشاركة : ( 1 )  
قديم 2009-12-02
 
::اللهم فقهها في الدين وعلمها التأويل::

 الأوسمة و جوائز
 بينات الاتصال بالعضو
 اخر مواضيع العضو

  سندس غير متواجد حالياً  
رقم العضوية : 2523
تاريخ التسجيل : Nov 2009
الدولة :
العمر :
الجنس :  female
مكان الإقامة : حيثما ذكر اسم الله
عدد المشاركات : 912 [+]
عدد النقاط : 93
قوة الترشيح : سندس يستحق التمييز
Love ۝۝ ░: سلسلة :░(())( مبـــــروووك ... جــالك قــلب )(())░:░۝۝

بسم الله

على بركة الله نبدأ في هذه السلسة

( مبروووك ... جـالك قـلب )

التي أسأل الله - عز وجل - أن يصلح بها قلوبنا

وهي في الحقيقة درس ماتع
لفضيلة الشيخ المربي / محمد حسين يعقوب
حفظه الله وبارك في عمره وأهله وولده

أرجوا من الله عز وجل أن أعرضها في طريقة سهلة
غير مملة

ونظراً لطول الدرس ، فسوف أفردها على حلقات

أرجوا منكم المتابعة
ليس والله لأنها مشاركة لي فيشهد الله أني ليس
لي فيها فضل ولا منة
إنما أنا ناقل فقط

ولكن حقيقة هذا الدرس سمعته أكثر من مرة
وهو بالفعل وقفة الكل منا يحتاج إليها

وأنا تعمدت أن أفرغ الدرس ولا أريد منك أن تسمع الدرس
لا .. بل أن تقرأه ، فأغلبنا يسمع بدون تركيز
فهو يسمع ولا يستمع

لكن أقرأ وتتدبر وقف ، وأعد من جديد
لعل قلبك يولد ، فتلقى سعادة الدنيا والآخرة

تنبيه : لا أحل لأحد نقله إلى أي موقع أو منتدى أو مدونة دون ذكر المصدر
" منتدى فرسان السنة "
وإلا فأنا خصيمه يوم القيامة


نبدأ على بركة الله

== = == = == = == = == = == = == = == = ==


السلام عليكم ورحمة الله وبركاته ، أعوذ بالله من الشيطان الرجيم ... بسم الله الرحمن الرحيم إن الحمد لله أحمده تعالى وأستعينه وأستغفره و أعوذ بالله تعالى من شرور أنفسنا ومن سيئات أعمالنا من يهده اللي فلا مضل له من يضلل فلا هادي له

وأشهد ألا إله إلا الله وحده لاشريك له وأن أشهد أن محمداً عبده ورسوله ، اللهم صلي على محمد وعلى آل محمد كما صليت على إبراهيم وعلى آل إبراهيم أنك حميد مجيد اللهم بارك على محمد وعلى آل محمد إنك حميد مجيد كما باركت على إبراهيم وعلى آل إبراهيم أنك حميد مجيد

" يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ "

" يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَاءً وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ إِنَّ اللَّهَ كَانَ عَلَيْكُمْ رَقِيبًا "

" يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا * يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا "

أما بعد :
فإن أصدق الحديث كلام الله تعالى وإن خير الهدي هدي محمد – صلى الله عليه وسلم – وإن شر الأمور محدثاتها ، وكل محدثة بدعة ، وكل بدعة ضلالة وكل ضلالة في النار ، ثم أما بعد ...

أخوتي في الله ، والذي فلق الحبة وبرأ النسمة أني أحبكم في الله ، وأسأل الله - جل جلاله – أن يجمعنا بهذا الحب في ظل عرشه يوم لاظل إلا ظله اللهم أجعل عملنا كله صالحا وأجعله لوجهك خالصاً ولا تجعل فيه لأحد غيرك شيئا


أحبتي في الله وأنا أحبكم في الله ... كيف حالكم مع الله ... كيف حال قلوبكم مع الله ، هذا هو الإسبوع الثالث ... الدرس الثالث ... الجمعة الثالثة .... المحاولة الثالثة ... ل"ولادة قلب"

اللهم أهدي قلوبنا ، اللهم أصلح قلوبنا ، اللهم نور قلوبنا اللهم ثبت على الإيمان قلوبنا ، اللهم صرف قلوبنا على محبتك ومحبة نبيك ، وطاعتك وطاعة نبيك ، اللهم أعنا على ذكرك وشكرك وحسن عبادتك

أخوتي بعد كل هذه المحاولات ...

أيا ترى ولدت القلوب أم مازلتم بعد ؟

ولد لك قلب جديد ؟ يتسم بالجدة ؟
جديد من كل جهة .... جديد من جهة فكره صار فكراً أخروياً ليس من أهل الدنيا

جديد من جهة همه ... صار همه الأخرة فلم تعنيه في شيء بل صار .... مالي وللدنيا ؟ ما أنا في الدنيا إلا راكب إستظل بظل شجرة ثم راح وتركها

جديد من جهة علمه ، فقد بدأ يحصل اليقين في قلبه ، اليقين في أن الأخرة هي دار القرار

" وَقَالَ الَّذِي آمَنَ يَا قَوْمِ اتَّبِعُونِ أَهْدِكُمْ سَبِيلَ الرَّشَادِ * يَا قَوْمِ إِنَّمَا هَذِهِ الْحَيَاةُ الدُّنْيَا مَتَاعٌ وَإِنَّ الْآخِرَةَ هِيَ دَارُ الْقَرَارِ "
الأخرة دار القرار

أسمع في اليقين قول الحسن البصري – الذي صدق فيه قول من سئل عنه قال : ذاك الرجل الذي يشبه كلامه كلام الأنبياء –

الحسن البصري يقول " إن لله عز وجل عباداً كمن رأى أهل الجنة في الجنة مخلدين وكمن رأى أهل النار في النار مخلدين ، قلوبهم محزونة وشرورهم مأمونة ، حوائجهم خفيفة وأنفسهم عفيفة ، صبروا أياماً قصاراً ينتظرون راحة طويلة ، أما الليل فصآفة قدومهم على خدودهم تسيل دموعهم ، يجأرون إلى ربهم في فكاك رقابهم ربنا .. ربنا ...ربنا ، وأما النهار فحلماء علماء بررة أتقياء ، كأنهم القداح – يعني في الثبات - ، ينظر إليهم الناظر يحسبهم مرضى وما بالقوم من مرض ، يحسبهم قد خولطوا ولقد خالط القوم من ذكر الآخرة أمر عظيم "

أخوتها ... هل حصل في قلوبكم هذا اليقين ؟؟؟...

يقين الآخرة كمن رآى أهل الجنة في الجنة وأهل النار في النار

لقد ذكرت لكم في قضية الولادة أن أول سبيل للولادة أن ترى الأخرة

أن يترحل القلب عن الدنيا فينتقل إلى عالم الآخرة

ينتقل إنتقالاً حقيقياً إلى الأخرة ، ينتقل فعلاً

– اللهم أرنا الأشياء على حقيقتها – أن ترى الدنيا على حقيقتها لاتساوي جناح بعوضة ، أن ترى الدنيا على حقيقتها زينة كماء أنزل من السماء فإختلط به نبات الأرض فأصبح هشيماً تذروه الرياح
يرى هذه الدنيا هشيماً تذروه الرياح

يرى هذه الدنيا أختلط به نبات الأرض مما يأكل الناس والأنعام حصيداً كأن لم تغنى بالأمس

تلك الدنيا التي يتسارع عليها القوم ، فيها يتنافسون ولها يعملون وعليها يحزنون وبها يفرحون

أيا مسااااااااااكين
أن نفخة في الصور تذهب كل ما ترى

أخوتي .... تلكمنا عن قلب لم يولد ، جنين في بطن الشهوات والغي والجهل والضلال

وقلب .... قد ولد وخرج إلى فضاء العبودية وآنس من خلال الديار أشعة التوحيد
وبقي القلب الثالث لم يأخذ حظه
.
.
.
.

" قلب في البرزخ "

ينتظر الولادة صباح مساء
قد قطع مفاوز وفلوات وبقي عليه عقبات وآفات


وقفة في بداية لقاءنا الليلة ...

حبيبي .... أخي ... أخيه

وقفة الليلة لنتسائل
.
.

أي القلوب قلبك ؟


هل قلبك مازال جنيناً في بطن الشهوات ؟

ما زلت يا مسكين تفكر ببطنك وفرجك ؟

ما زلت يا مسكين تعيش لمظهرك ودنياك ؟

أما آن أن يخرج قلبك إلى فضاء العبوديه ؟

مازلت يا مسكين يرضيك زيف مال ... نشوة شهوة

ونسيت ما ورائك يا مسكين ؟


" وَفَرِحُوا بِالْحَيَاةِ الدُّنْيَا وَمَا الْحَيَاةُ الدُّنْيَا فِي الْآخِرَةِ إِلَّا مَتَاعٌ "
" إِنَّ الَّذِينَ لَا يَرْجُونَ لِقَاءَنَا وَرَضُوا بِالْحَيَاةِ الدُّنْيَا وَاطْمَأَنُّوا بِهَا وَالَّذِينَ هُمْ عَنْ آيَاتِنَا غَافِلُونَ * أُولَئِكَ مَأْوَاهُمُ النَّارُ بِمَا كَانُوا يَكْسِبُونَ "

سلم يا رب .. سلم

لا يرجون لقاءنا ورضوا بالحياة الدنيا وأطمأنوا بها


هو ده حالك ؟
هو ده أنت ؟

راضي ومطمن ... مطمن للقرشين دول ، مطمن مطمن للشغلانة دي ... مطمن للصحاب دول ... مطمن للعيال دول

مطمن ... وأطمـأنوا بها والذين هم عن آياتنا غافلون
أولئك مأواهم النار
.
.
.

ده قلبك ؟؟؟؟؟؟؟؟؟؟؟؟


أنت بتهرب ليه ؟

ده قلبك أنت ؟
أنت ..أنت من غير ما أزعق ماتتخضش .. براحة خالص ... بمنتى الهدوء

ده قلبك ؟
قلبك دنيا إذا أعطي رضي وإذا منع سخط

ده قلبك ؟
ده قبلك ... عايش بتدور تأكل إيه .. تشرب إيه ... تركب إيه ... تتفسح فين ... تنام إزاي ... تصاحب مين .... تتكلم مع مين ... تغير تلفونات ... تغير ...

هو ده أنت ؟؟؟

ولا ..... ولا....

ولا .. قلبك أتولد ؟

وبقى زاي سيدك النبي – صلى الله عليه وسلم - ؟

لا يعنيه الدنيا ....

هاه أتولد ... ؟؟؟

بقى شهوتك أنك توقف بين أدين ربنا
بقت لذتك أنك تتأمل وتتدبر كلام ربنا
بقت متعتك أن أنت تذكر الله ... وتبكي في الدعاء
بقت قربتك وقوتك أن ربنا يحبك ؟

أنت مين ؟؟

أنت مين في دول ؟



الثالث
.
.
.
.
.
.
" قلب في البرزخ "



- يُتبع إن شاء الله -
==================
الموضوع منقول من منتدي فرسان السنة

التعديل الأخير تم بواسطة سندس ; 2009-12-02 الساعة 09:26 AM
رد مع اقتباس
اعلانات
 
  رقم المشاركة : ( 2 )  
قديم 2009-12-02
 

 الأوسمة و جوائز
 بينات الاتصال بالعضو
 اخر مواضيع العضو

  بنوته مصرية غير متواجد حالياً  
رقم العضوية : 2799
تاريخ التسجيل : Nov 2009
الدولة :
العمر :
الجنس :  female
مكان الإقامة : فى حته السكر مصر
عدد المشاركات : 310 [+]
عدد النقاط : 10
قوة الترشيح : بنوته مصرية
افتراضي رد: ۝۝ ░: سلسلة :░(())( مبـــــروووك ... جــالك قــلب )(())░:░۝۝

برافو عليكى

بتعملى مجهودد جبار يا سندس

يارب يكون فى ميزان حساناتك
رد مع اقتباس
  رقم المشاركة : ( 3 )  
قديم 2009-12-03
 
::اللهم فقهها في الدين وعلمها التأويل::

 الأوسمة و جوائز
 بينات الاتصال بالعضو
 اخر مواضيع العضو

  سندس غير متواجد حالياً  
رقم العضوية : 2523
تاريخ التسجيل : Nov 2009
الدولة :
العمر :
الجنس :  female
مكان الإقامة : حيثما ذكر اسم الله
عدد المشاركات : 912 [+]
عدد النقاط : 93
قوة الترشيح : سندس يستحق التمييز
افتراضي رد: ۝۝ ░: سلسلة :░(())( مبـــــروووك ... جــالك قــلب )(())░:░۝۝

أسعدني حضورك
بارك الله فيكِ يا حبيبة

رد مع اقتباس
  رقم المشاركة : ( 4 )  
قديم 2009-12-03
 
::اللهم فقهها في الدين وعلمها التأويل::

 الأوسمة و جوائز
 بينات الاتصال بالعضو
 اخر مواضيع العضو

  سندس غير متواجد حالياً  
رقم العضوية : 2523
تاريخ التسجيل : Nov 2009
الدولة :
العمر :
الجنس :  female
مكان الإقامة : حيثما ذكر اسم الله
عدد المشاركات : 912 [+]
عدد النقاط : 93
قوة الترشيح : سندس يستحق التمييز
افتراضي رد: ۝۝ ░: سلسلة :░(())( مبـــــروووك ... جــالك قــلب )(())░:░۝۝

الجزء الثاني


أنت مين ؟؟
أنت مين في دول ؟
الثالث
.
.
.
.
.
.
"قلب في البرزخ "


إبن القيم بيقول إيه عن القلب اللي في البرزخ

" هو متوسط بين درجتي الداخل في الدنيا بكليته ، قد ركن إليها واطمأن بها وأتخذها وطناً وجعلها له سكناً وبين من نفضها بالكلية عن قلبه ولسانه وتخلص من قيودها ورعونها وآثارها وأرتقى إلى ما يسر القلب ويحييه ويفرحه ويبهجه من جذبات العزة ، فهو في البرزخ كالحامل المقرب ينتظر ولادة القلب صباحاً أو مساء ، فإن من لم تولد روحه وقلبه ويخرج من مشيمة نفسه ويتخلص من ظلمات طبعه وهواه وإرادته فهو كالجنين في بطن أمه الذي لم يرى الدنيا وما فيها

::::::::::::::::::::::::::::::::::::::::::::

أنا عايز أقول لحبايب المشغلين عني أتقوا الله وأهدوا أثبتوا وأفهموا
ويقولي يا عم الشيخ ماهو أنت ساعة مابتبص في الورق أنا ...ما...ما... ما

بقولك إيه
إحنا عايزين ... ومهم جداً إن أنا أقرأ من الورق علشان أنت مش حتفضل طول عمرك تسمع
أنا عايزك تقرأ ، فقرأتي دي لو في أيدك الكتاب ، كتاب " طريق الهجرتين وباب السعادتين "

وقلتلك الكلام ده صفحة كام ، تقرأ
أو بعد ما أنا أخلص وأقفل وأروح تعد تقرأ
فأنا مش قصدي أقرأ يعني أقرأ

وإنما قصدي أن إحنا نتعلم القراءة

نحن أمة إقرأ
أول كلمة نزلت في ديننا إقرأ

مش قال لسيدنا النبي – صلى الله عليه وسلم – كده
قاله إيه ؟؟ سيدنا جبريل

إقرأ
قاله ما أنا بقارئ
قاله إقرأ بإسم ربك الذي خلق

ومن يومها ومحمد يقرأ – صلى الله عليه وسلم –
نحن أمة إقرأ
لابد من أن نقرأ

الناس النهاردة ماعدتش بتقرأ ؟ ليه ؟
وكنت أحب أن أوجه سؤال

هل الأمة تقرأ ؟؟؟؟؟

ليه الأمة مبتقرأش
أنت مبتقراش ليه ؟
إيه الكتب اللي عندك
صراحة أنا أسمع أحسن من الإرايه

لا يابني
القراءة
وده اللي تعلمناه من صغرنا وبصوت
يعني لما تعد تقرأ كده قول
" فإن من لم تولد روحه وقلبه ويخرج من مشيمة نفسه "
يبقى شغلت عنيك ولسانك وودانك ودماغك
سعتها يبقى لها تأثير
وكل ما يعلى صوتك بالقراءة كل ما تفهم أحسن
تسمع نفسك ، مهم جداً

خلاص حضرات السادة الوقوف أعدوا
البشوات اللي بيلعبوا في التليفونات بطلوا
العالم اللي أعده تتحرك وتروح وتيجي هديوا وثبتوا

عايزين نشتغل بقى

صلي على الرسول
صلى الله عليه وسلم
زيد النبي صلاة
صلى الله عليه وآله وصحبه وسلم

::::::::::::::::::::::::::::::::::::::::::::

يقول إبن القيم " فإن من لم تولد روحه وقلبه
هاه النظر في الورق والقراءة مقصد رأيس – مطلب -

" فإن من لم تولد روحه وقلبه ويخرج من مشيمة نفسه ، ويتخلص من ظلمات طبعه وهواه وإرادته ، فهو كالجنين في بطن أمه الذي لم يرى الدنيا وما فيها ، فهكذا هذا الذي يعد في مشيمة النفس ،

والظلمات الثلاث هي ظلمة النفس وظلمة الطبع وظلمة الهوى
هذا القلب

– إسمع .. إسمع بقى وركز معايا -

، هذا القلب في البرزخ ينتظر الولادة صياحاً ومساءاً ، قد أصبح على فضاء التوحيد وآنس من خلال الديار أشعة الهداية ، تأبى غلبات الحب والشوق إلا تقرباً لمن السعادة كل السعادة في قربه والحظ كل الحظ في طاعته وحبه ، وتأبى غلبات الطباع إلا جذبه وتعويقه وإيقافه ، فهو بين الداعيين تارة وتارة ، قد قطع عقبات وآفات وبقي عليه مفاوز وفلوات "

إيه رأيك في القلب ده ؟؟؟

مش هو ده أنا

" حفظ الله الشيخ والله نحسن الظن به فكيف بحالنا نحن ؟؟؟
يشهد الله أني أتمنى لو أرى الشيخ وأقبل ما بين عينه وأغسل عن قدميه "

وأنت......... وأنت
وأنتي كمان !! .... صح

آه
القلب عايز يتولد بقى

بقاله أد إيه في المخاض ؟؟؟

أد إيه دلوقتي وأنت بتتفرج ؟؟

بتسمع

بتشوف

بتجرب

أنا عايز أسألك سؤال ... واضح ومحدد و صريح ويحتاج إلى إجابة قاطعة
حتوب إمتى !!!!!!!!!!!!!!

حتوب إمتى ؟

طب حتبطل اللي أنت في إمتى ؟
حترجع لربنا أمتى ؟
حتفضل طول عمرك كده معجب ؟
طول عمرك كده بتتفرج ؟

إِنَّ اللَّهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ

حتبيع أمتى ؟
حتبيع أمتى ؟؟

طب سؤال
حتفضل متردد كده كتير ؟
حتفضل ألآن ومش مطمن ومش ثابت لحد أمتى ؟

طب سؤال كمان مهم جداً وخطير

تفتكر لو مت على كدة

وأنت نفسك تلتحي .... ولسه خايف

ونفسك تلبسي النقاب .... ولسه مترددة

ونفسك تحفظ القرآن وتتعلم العلم ... ولسه مذبذب ؟

لو مت على كدة تروح فين ؟؟؟؟

مش مشكلة دي
مشكلة كبيرة جداً
وخطيرة جداً

يقول الملك – جل جلاله –
إِنَّ الْمُنَافِقِينَ يُخَادِعُونَ اللَّهَ وَهُوَ خَادِعُهُمْ وَإِذَا قَامُوا إِلَى الصَّلَاةِ قَامُوا كُسَالَى يُرَاءُونَ النَّاسَ وَلَا يَذْكُرُونَ اللَّهَ إِلَّا قَلِيلًا (*) مُذَبْذَبِينَ بَيْنَ ذَلِكَ لَا إِلَى هَؤُلَاءِ وَلَا إِلَى هَؤُلَاءِ وَمَنْ يُضْلِلِ اللَّهُ فَلَنْ تَجِدَ لَهُ سَبِيلًا

إلى هؤلاء ...
ولا إلى هؤلاء
ولا .... إلى هؤلاء

أنت مع مين بالظبط ؟


عارفين ..
أقولكم حاجة .. ما ينفعش تتقال !!!!

****هه
قناة الناس دي كانت زمان أول ما بدأت
****************هه
قناة الناس دي كانت بتذيع كليبات
****ههه

آآآآه
ومشايخ !!!!!!!!!!

فيا جماعة أنتوا مع مين بالظبط
لا حترضوا بتوع الكليبات ولا حترضوا بتوع الدين
ماينفعش
ماينفعش ... ده وده في وقت واحد

أهو أنت كدة
طول النهار في الكليبات .. وباليل تقول يارب
طب وبعدين ؟؟؟
.
.
.
رأى رجل إمرآة فأعجبته فقال لها
أهوى هو الدين واللذات تعجبني *** فمن لي بهوى اللذات والدين
قالتله
دع أحدهما تنل الآخر

ما ينفعش الجمع مش ممكن
الجمع مستحيل
حاجة من أتنين ، يا هوى ... يا دين

القلب الذي في البرزخ
-ما تروحش بعيد .. أنتوا فين –

عايز دين ؟
عايز ربنا ؟
إمال ....

أنت لسه بردوا متردد

أيها الأخوة أنا أحبكم في الله
عليكم حريص ... ولكم ناصح امين
إياك أن تفتن نفسك

يُنَادُونَهُمْ أَلَمْ نَكُنْ مَعَكُمْ قَالُوا بَلَى وَلَكِنَّكُمْ فَتَنْتُمْ أَنْفُسَكُمْ وَتَرَبَّصْتُمْ وَارْتَبْتُمْ وَغَرَّتْكُمُ الْأَمَانِيُّ حَتَّى جَاءَ أَمْرُ اللَّهِ وَغَرَّكُمْ بِاللَّهِ الْغَرُورُ (*) فَالْيَوْمَ لَا يُؤْخَذُ مِنْكُمْ فِدْيَةٌ وَلَا مِنَ الَّذِينَ كَفَرُوا مَأْوَاكُمُ النَّارُ هِيَ مَوْلَاكُمْ وَبِئْسَ الْمَصِيرُ

هي دي الآية اللي بتصدق اللي لسه متردد
اللي لسه متردده ... تبطل ولا لأ

-وبالمرة علشان الحلقة دي يمكن فيها وداع ، أسيبكوا أسبوعين تلاته كدة أجازة .. لله –

عايز أقول البنت اللي بشوفها النهاردة
لابسه عبايه و .... بتاع ده
إيه .... طرحة كده كبيرة أوي على دماغها ولفة الدنيا كلها

و مكياج صارخ

ده حجاب ؟؟؟؟؟؟؟؟؟

يا شيخة حرام عليك !!!!
يا شيخه أتقي الله في نفسك
بلاش نضحك على نفسنا بقى

اللي لابسه نقاب وتحت النقاب مكياج وعينها ومش عارف إيه ومش لابس جوانتي و ...

أتقوا الله في الدين

ما كدة أحسن من مافيش يا شيخ
القضية مش قضية أحسن وأوحش

القضية قضية
ماذا يريد الله
بم يأمر الدين

يعني كدة مش أحسن من مافيش يا شيخ
ما بنكلمش في قضية أحسن وأوحش دلوقتي

أنتي عايزة تروحي الجنة ؟؟؟؟
تريدين رضا الله ؟؟؟؟
تريدين الجنة في الفردوس ؟؟؟؟؟

تريدين
إذا كنت تريدي ... يبقى خلاص حلها
ربنا أمر بـ إيه ؟
ما الذي يرضي الله ؟

الشااااااهد

اللي مترددة بين الحجاب .... ومافيش

اللي متردد بين الإلتزام .... ومافيش

اللي متردد بين الخير .... ومافيش

حتفضل متردد لحد أمتى ؟

أخرتها إيه؟؟

هو ده " القلب اللي في البرزخ "



- يُتبع إن شاء الله -
رد مع اقتباس
  رقم المشاركة : ( 5 )  
قديم 2009-12-05
 
::اللهم فقهها في الدين وعلمها التأويل::

 الأوسمة و جوائز
 بينات الاتصال بالعضو
 اخر مواضيع العضو

  سندس غير متواجد حالياً  
رقم العضوية : 2523
تاريخ التسجيل : Nov 2009
الدولة :
العمر :
الجنس :  female
مكان الإقامة : حيثما ذكر اسم الله
عدد المشاركات : 912 [+]
عدد النقاط : 93
قوة الترشيح : سندس يستحق التمييز
افتراضي رد: ۝۝ ░: سلسلة :░(())( مبـــــروووك ... جــالك قــلب )(())░:░۝۝


الجزء الثالث
.
.
.
.
حتفضل متردد لحد أمتى ؟

أخرتها إيه؟؟

هو ده القلب اللي في البرزخ
.
.

إسمع سيدنا حذيفة بن اليمان صنف القلوب تصنيف عجيب جداًَ
قال إيه ؟

القلوب أربعة – حذيفة إبن اليمان هو اللي بيقول – ركز معايا أنا عايزك تشوف قبلك أنهي من دول

" القلوب أربعة : قلب أجرد – من التجريد – فيه سراج يزهر ، وقلب أغلف مربوط على غلافه ، وقلب منكوس عرف ثم أنكر وأبصر ثم عمي ، وقلب مصفح ، فأما القلب الأجرد فقلب المؤمن سراجه فيه نوره ، وأما القب الأغلق فقلب الكافر " وَقَالُوا قُلُوبُنَا غُلْفٌ "– غلف يعني في غلاف - ، وأما القلب المنكوس فقلب المنافق عرف ثم أنكر وأبصر ثم عمي ، وأما القلب المصفح فقلب فيه إيمان ونفاق ، فمثل الإيمان فيه كمثل البقلة يمدها الماء الطيب ومثل النفاق فيه كمثل القرحة يمدها القيح والدم ، فأي المادتين غلبت عليه غلبت على الأخرى "

براحة يا عم الشيخ وعلى مهلك وقلي تاني !!!

حاضر

" القلوب أربعة : قلب أجرد " من التجريد ، التجريد تجريد المتابعة لرسول الله وتجريد الطاعة في توحيد الله

إحنا قولنا قبل كده معنى الإسلام : الإستسلام لله بالتوحيد والإنقياد له بالطاعة والخلوص من الشرك والبراءة من أهله

" قلب أجرد " القلب الأجرد ده يعني مابيطعش إلا الله ورسوله

إحنا قولنا قبل كده أنا بحب أمي مش علشان بتخدمني ، علشان ربنا أمرني أني أحبها
وبأطيع أبويا مش علشان أنه بصرفي عليه ، أنا أعطيعه علشان ربنا ألزمني بكده

وقلت عشرات المرات لو أبوك ساعة ما إتولدت ساب البيت وطفش ومعرفشك إلا وأنت عندك عشرين سنة برضه أبوك
يجب عليك بره وإكرامه وطاعته ، ولو أمك ولدتك ورمتك في أي مكان وماعرفتشك بعد كده برضه هي أمك يجب عليك حبها
حبها ولو رمتك ... حبها ولو آذتك .... حبها ولو ضرتك
حب الوالدين فرض ... مش علشان مزجنا ، بل لأن الله أمر بذلك

هو ده القلب الأجرد في الدين بقى ، أنا أديت المثال ده مثال الوالدين علشان الأمور تتضح

علشان الناس النهاردة ، آسف في ناس النهاردة واخدين الدين منظرة ومنفعة

مصلحة إذا كان في مصلحته يمشيه

الدين علشان إيه ؟؟؟؟

الجنة .... و الجنة فقط

لا لشيء آخر

ولو أوذيت بسبب الدين

وإن ضررت بسبب الدين

وإن .... وإن ... وإن ..

يظل الدين إلتزامه فرض عليك

هو ده التجريد " قلب أجرد "
مافهشه إلا حب الله و رسوله

" قلب أجرد فيه سراج يزهر "

قلب أجرد فيه سراج ... سراج الإيمان
سراجه فيه نوره

أنا والله بحبكم في الله ، صدقاً بالله

القلب الأجرد ده ... منور
وفي فرق بين قلب منور وقلب مظلم

اللقب اللي في نور فيه أنس ، زاي أنس النور ووحشة الظلمة
شوف النور تبقى الدنيا منورة إزاي
وشوف لما الدنيا تبقى ظلمة ، تبقى مستوحش إزاي

" إن الله خلق خلقه في ظلمة ثم ألقى عليهم من نوره فمن أصابه النور إهتدى ومن أخطأه النور ضل "

اللي قلبه في نور ... منور تلاقيه منور

لم يبقى قلبه منور .... سبحان الله العظيم
" نُورٌ عَلَى نُورٍ يَهْدِي اللَّهُ لِنُورِهِ مَنْ يَشَاءُ "

النور ده في قلب المؤمن
يبقى بصيرة ، شايف بالنور ... شايف الأشياء على حقيقتها

النور ده لما يبقى في قلب المؤمن
تجد الإنسان .... سالك الطريق بمنتهى الثبات

تزول الجبال ولا يزول قلبه

" قلب أجرد فيه سراج يزهر ، وقلب أغلف مربوط على غلافه "

أغلف .... يعني محطوط جو غلاف
" وَقَالُوا قُلُوبُنَا غُلْفٌ "

مربطوط على غلافه ... مربوط على القلب ده .... جو الغلاف
في ظلمه ...

الإحساس بالظلمة .... الإحساس بالسواد

كنت باشرح في كتاب طريق الهجرتين لإبن القيم ، بيقول
" فمن عوفي من رؤية الملكة ، لم يتلوث باطنه بأوساخ المال وتعبه وتدبيره "

فقلت : أن الدنيا فيها أوساخ توسخ القلب

وفرق بين قلب طاهر .... وقلب وسخ

كالفرق .... أو الإحساس
- أنا بميز في الإحساس دلوقتي -

بين واحد قلبه طاهر وواحد قلبه وسخ أو نجس

كإحساس بنت طاهرة ... نظيفة
لن يلمسها أحد .... ولم تفعل خطأ
الفرق بين دي وبين بنت أخرى .... زنت

شوف إحساس البنت الطاهرة دي بالطهارة
وإحساس الخاطئة دي بالقذارة

هو ده إحساس قلب وقلب

قلب طاهر ....

راقي ...

رقراق

راحل إلى الله ...

مهاجر ...

مسافر ...

وقلب ملوث .... قذر

تنجس

لعبت فيه أيدي البشر

أنا عايزك تتصور الإحساس ده
الإحساس بالطهارة والإحساس بالقذارة

" قلب أجرد فيه سراج يزهر ، وقلب أغلف "
فيه غلاف ... الإحساس بالظلمة

هوة يقول كدة " حاسس جواي بكآبة "

ليه ... حد مات لك .... لأ
طب حاجة ضاعت منك .... لأ
طب خايق من حاجة ..... لأ

إمال مالك ؟؟؟؟

مش عارف

هي دي مصيبة .... مش عارف
أنا بسأله دلوقتي

مش أنت عارف
أن طريق الدين هو الحق

تصلي وتصوم

تحفظ قرآن وتقرأ قرآن

تتعلم علم

تقوم اليل

تذكر الله ، تدعوا الله

مش عارف أن هو ده سبيل السعادة ؟؟؟

أيوة عارف ومتأكد وعلى يقين

إمال ليه مابتسلكش سبيل الدين ؟؟؟؟

مش عارف

- يا أخوة عايزين نبطل كلمة مش عارف دي بقى -

حاصر نفسك

وإسألي نفسك .. أنت مش عايزة تلبسي النقاب ليه ؟؟؟
مش عارفة

أنت مش عايز تصلي ليه ؟؟؟؟

أنا عايز أفهم بقى
لازم تقولي دلوقتي
حالاً .. فوراً

أنت مش عايز تبطل السجاير ليه ؟؟؟

مش عايز أسمه كلمة مش عارف

قرر دلوقتي حالاً .... وقولي

مش عايز تبطل ليه

وأنت مش عايز تبطل مشي مع بنات ليه ؟؟؟

مش عايز تبطل فرجة على الأفلام القذرة والأشياء الرديئة

ليـــــــه ؟؟؟؟؟؟؟؟

مش عارف ياعم الشيخ

مش عارف

مافيش حاجة إسمها مش عارف

لازم تقول دلوقتي ... ليه

ليه ... ليه ؟؟؟؟؟؟؟

رد عليا

أنت ساكت ليه ؟؟

رد عليا

جاوبني

مش عايز تبطل ليه
مش عايز تتوب ليه ؟؟؟
مش عايز تقرب من ربنا ليه ؟؟؟

إيه اللي مانعك
إيه اللي حايشك
إيه اللي مكتفك

ليه مصمم تضر نفسك

تضيع
مش عارف

لسه برضه في التوهان ده
مش عارف
هنبطل كلمة مش عارف
ليه .. مش عارف ؟
يبقى مافيش ليه
ومافيش مش عارف

وأديني وعد وعهد دلوقتي

إيدي أهه !!!

وعد وعهد دلوقتي
إدام ربنا سبحانه وتعالى

إيدي أهه

عاهدني
أنك حتسلك الطريق إلى الله

يالا ... مد إيدك
وأقبل على الله

والله جل جلاه يقول في الحيدث القدسي
" عبدي قم إلي أمشي إليك ، وأمشي إلي أهرول إليك "

قلي لسه قلبي أسود
أفتحه للنور
أخرج للنور

أنا عايز الأولاد اللي عايشين في الغرف المظلمة
قاعد أدام الكمبيوتر ... وعلى الشات عمال يكتب
أو عمال يدور على المواقع القذرة
أو عمال ينزل الحاجات الوحشة
أو عمال يشغل الإسطوانات

يابني أخرج من الظلام دي يابني

يابني أخرج للنور بقى

تعالى لبيت لربنا

تعالى لنور ربنا

تعالى يابني للطهارة

يابني

فك الغلاف
أخرح بقى للنور

أطلي بقى من اللي أنتي فيه

بطلي العشية في الظلمة دي

الأسرار اللي على التليفونات

وأسرار الذهاب والمجيء
وأسرار ... وأسرار
لما الإنسان يتخلص من الأسرار

يعيش مرتاح

عباد الدنيا اللي قاعدين يجروا ورا الدنيا والفلوس
ويسرق من هنا وياكل من هنا وينهب من هنا
يواخد فلوس ده ..
وعايش في الرعب ده

أخرج بقى
أخرج من اللي أنت فيه
تخلص من اللي أنت فيه

وعيش الهدوء القلبي
" قلب أجرد فيه سراج يزهر "

نور
كل أفعاله في النور

كل تصرفاته في النور
كل ...

كل حياته في النور
في النور

ولا خايف من حاجة ولا قلقان من حاجة وملا مرعوب من حاجة
ولا منتظر حاجة
ولا همه حاجة

في النور
عايش بالنور ... في نور
والتاني عايش ظلمة ... كآبة
هم
قلق ... نكد
.
.
.
.
.
.
.
.
"وقلب منكوس أبصر ثم عمي وعرف ثم أنكر "

- يُتبع إن شاء الله -



التعديل الأخير تم بواسطة سندس ; 2009-12-05 الساعة 05:55 PM
رد مع اقتباس

مواقع النشر (المفضلة)



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة

۝۝ ░: سلسلة :░(())( مبـــــروووك ... جــالك قــلب )(())░:░۝۝



التعليقات المنشورة لا تعبر عن رأي منتدى شباب الجزائر ولا نتحمل أي مسؤولية قانونية حيال ذلك ويتحمل كاتبها مسؤولية النشر

الساعة الآن 09:11 PM

Powered by vBulletin® Version 3.8.7 .Copyright ©2000 - 2015, Jelsoft Enterprises Ltd
Search Engine Optimization by vBSEO ©2011, Crawlability, Inc.
Designed & Developed by shababdz.com
جميع الحقوق محفوظة ©2014, منتدى شباب الجزائر لكل العرب